اسلام آباد ۔ 22 اگست (اے پی پی) بنجائی حکومت ورناتے وتواجہ کننگ و روزگار نا وارخواہی فراوان کننگ کن وزیراعظم یوتھ افیئر پروگرام نا رداٹ سرسہب ورناپروگرام اس نا بناءِ کرینے ۔ وزیراعظم یوتھ افیئرز پروگرام نا رداٹ ورناتے کن تعلیم و ملازمت آتون اوار ایلو آسراتی تا فراوانی کن 6 پروگرام و یوتھ انٹرپرینیورشپ اسکیم نا رداٹ ملک اٹی چنکا و بھلا کاروباری شعبہ نا مون آ دننگ کن لاءخ ورناتے اعانت آ کاروباری وام تننگک ۔ ذراءع نا رداٹ سکل فار آل پروگرام نا رداٹ روایتی و ٹیکنالوجی آ مبنی ٹریڈز اٹی فنی و کسبی تربیت نا کمک اٹ یک و نیم لکھ ورناتے وتواجہ کننگک ۔ سرسہب ورناپروگرام اسٹارٹ اپ پاکستان پروگرام مریک ۔ دا پروگرام نا رداٹ گرین یوتھ موومنٹ بناکننگک ہراٹی ورناتے ماحولیاتی وموسمیاتی تنکی نا جدت آ مبنی ایسری کن چنکو وام تننگک ۔ نجی بشخ انا کمک اٹ انڈر گریجویٹ وپوسٹ گریجویٹ طالب علم آتے کن انٹرن شپ پروگرام و ورناتا بابت ویل آتے شیفکوکہول آ ایسر کننگ کن ورنامرکز اسکیم اس بناکننگک ۔ داٹی ورناتے نئے بیرہ گوازی و ایلو غیر نصابی سرجزآتے اوار کننگک بلکن اوفتے کیریئر کونسلنگ ، راہشونی و ڈیجیٹل خذمت آتسکان رسینگ نا وارخواہی ہم دوبریک ۔
