اسلام آباد ۔ 22 اگست (اے پی پی) بنجائی وزیر ہوابازی غلام سرور خان پارینے کہ محکمہ موسمیات اسلام آباد اٹی موسمی ریڈار نا بناءِ زوت کننگک ۔ داہیت ءِ او پنچ شنبے نادے آ تینا سہ بیان اسے ٹی پارے ۔ اوپارے کہ محکمہ موسمیات جاپان انٹرنیشنل کارپوریشن ایجنسی(جائیکا) نا کمک اٹ اسپیشل میڈیم رینج ویدر فورکاسٹ سینٹر نا بابت گڑاس خاص گام گیج کرینے تانکہ پاکستان اٹی موسم نا پیش گوئی و انتباہی لاءخی تے ودفنگ مرے ۔ دا چرجوئی ٹی اسلام آباد اٹی اسہ موسمی ریڈار ، ہوائی پروفائلر سسٹم و ہائی پرفارمنس کمپیوٹنگ کلسڑ سسٹم اس ہم خلنگانے ۔ دا پروجیکٹ نا مسخت مچ آ ملک انا 3آن 10 دے انا موسمی پیش گوئی کننگ ناءِ ۔ وخت آ شدید موسم نا درست پیشنگوئی و انتباہ نا پاکستان بے رکھ ضلع غاتیٹی پرچار کننگ نا ءِ ۔ داڑکن خاص وڑنا کمپیوٹنگ سسٹم اس کاریم اٹ اتنگک، دا سسٹم آن پِر انا شدت و موسم نا ساڑی نا سہی پیمائش ءِ کننگ مریک ۔
