اسلام آباد ۔ 22 اگست(اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ برآمد ات و ترسیلات زر اٹی ودکی و درآمد آتے ٹی نمان کمتی درست حکومتی پالیسی تا شاہدی ءِ ۔ قوم ءِ معاشی محاذ آ خوش خبری ملنگ بناکرینے، کرنٹ اکاءونٹ نسخان ہرا مالی سال 2018ء ٹی 2;46;1 ارب ڈالر ئس داسہ کم مرسا 579ملین ڈالر آ بسنے ۔ انشاء اللہ دانا فائدہ غاک زوت الس اسکان سرمریرہ ۔ پنچ شنبے نادے آ تینا اسہ ٹویٹ اسے ٹی وزیراعظم نا خصوصی کمکار پارے کہ بروک آ تُو و سال ملک و قوم اکن پین خوش خبری اتینہ، پاکستان وزیراعظم عمران خان نا کماشی ٹی قومی شونداری و شونہالی نا مزل ءِ دوئی کیک ۔ خصوصی کمکار پارے کہ قوم ءِ معاشی محاذ آ خوشخبری ملنگ بناکرینے ۔ ملکی معیشت نا گچینی و سوگوی نا حکومتی گام گیج آتا بھرم آک پاش مننگ ءُ ۔ اوپارے کہ مالی سال 2018ء ٹی حسابات جاریہ نا نسخان 2;46;1 ارب ڈالر ئس ہرا کم مرسا 579 ملین ڈالر آ بسنے ۔ اوپارے کہ دا چارسال اٹی کم انگا نسخان ءِ ۔ مالی سال 2020ء ٹی کرنٹ اکاءونٹ نسخان اٹی پین 40 درسد نا کمتی گمانی ءِ ہراڑان افراط زر اٹی کمتی و ملکی معیشت توانامریک ۔ وزیراعظم نا خصوصی کمکار حوالکاری و شینکاری پارے کہ برآمد ات و ترسیلات زر اٹی ودکی و درآمد آتیٹی نمان کمتی حکومتی پالیسی تا درست مننگ نا شاہدی ءِ ۔ اوپارے کہ ترسیلات زر اٹی ودکی پیشن نا ملک رہینگوک پاکستانی تا حکومتی معاشی اصلاحات آ پت انا درشانی ءِ و داہیت انا شاہدی ءِ کہ معاشی محاذ آ حکومتی مشکل فیصلہ درست سمت اٹی سہی ءُ گام اسے ۔ انشاء اللہ دانا فائدہ غاک زوت الس اسکان سرمریرہ ۔
