اسلام آباد ۔ 22 اگست (اے پی پی) وزیراعظم عمران خان مذہبی بنداو تیا بیدادی نا گواچی بندغ آتا اولیکو جہانی دے آ دنیا نا چکار ءِ بھارت نا جبر و استبداد اٹ اختہ لکھ آ کشمیری تا کنڈا کرفسا دا ہیت آ زور شاغانے کہ جہانی برادری مقبوضہ کشمیر اٹی نسل کشی ءِ تورفنگ کن بایدے متحرک مرے ۔ پنچ شنبے نادے آ تینا اسہ ٹویٹ اسے ٹی وزیراعظم پارے کہ اینو مذہبی بنداو تیا بیدادی نا شست مروک آتا اولیکو جہانی دے انا وخت آ نن دنیا نا چکار ءِ بھارت نا جبر و استبداد اٹ اختہ لکھ آ کشمیری تا کنڈاکرفنگ خوانہ ہرافتے توہین و بیدادی تون مون تروک ءِ و ہرافتا غٹ بنداوی انسانی حق ءِ کنسا ہروڑنا آجوئی تیان محروم کننگانے ۔ وزیراعظم عمران خان پارے کہ داتسکان کہ کوزہ گر بھارتی فوج اوفتیان بھلاعید اتون اوار ایلو مذہبی شعائر نا بست وبند آتا حق ءِ پلانے ۔ اوپارے کہ اینو ہراتم دنیا مذہبی عقیدہ غاتا بناء آبیدادی نا نشانہ مروک آتون یکجہتی نا درشانی ءِ کننگ والاءِ ۔ وزیراعظم مقبوضہ کشمیر اٹی کشمیری تا نسل کشی نا گڑتی ظاہر کرسا پارینے کہ جہانی برادری ءِ دانا کسرءِ توننگ کن ہم متحرک مروئی مریک ۔
