اسلام آباد۔ 21 اگست (اے پی پی) مزن وزیر عمران خان ستمبر ءِ گڈی ھپتگ ءَ کراچی ءَ بنجاھی حکومت ءِ چار دیمروئی منصوبگ آنی بنگیج ءَ کنت انت۔ اے گپ ءِ درشان چار شمبے ءِ روچ ءَ مزن وزیر عمران خان ءَ گوں گورنر سندھ عمران اسماعیل ءَ مزن وزیر کارگس ءَ بوتگیں گند ءُُ نند ءِ تہ ءَ گوشگ بوت۔ مزن وزیر ءَ گورنر سندھ ءَ را پنت شون کت کہ آ کراچی ءَ نندوکیں کشمیری برات آں گوں گند ءُُ نند ءُُ کشمیر ءِ جیڈھ ءَ سہرا بکن اَنت۔ گند ءُُ نند ءَ کراچی ءَ بنجاھی حکومت ءِ نیمگ ءَ جاڑی بوتگیں دیمروئی منصوبگ آنی سر ءَ ھم گپ ءُُ تران بوت۔ مزن وزیر ستمبر ءِ گڈی ھپتگ ءَ چار دیمروئی منصوبگ آنی بنگیج ءَ کنت انت۔ گورنر سندھ ءِ ایندگر منصوبگ آنی تہ ءَ دیمروئی گامگیج آنی رپوٹ پیش کنگ ءِ پنت ءُُ شون کنگ بوت۔ گند ءُُ نند ءَ کلین کراچی گامگیج ءِ سر ءَ ھم گپ ءُُ تران کنگ بوت۔
