خیبر پختونخوا نا اہم سرکاری ماڑی و سرکاری ریسٹ ہاؤس آتے الس کن ملنگ و کاریم اٹ اتنگ نا بابت پیش رفت نا جاچ ءِ ہلنگا
اسلام آباد۔ 21 اگست (اے پی پی) وزیراعظم عمران خان نا کماشی ٹی خیبر پختونخوا نا اہم سرکاری ماڑی و سرکاری ریسٹ ہاؤس آتے الس کن ملنگ و کاریم اٹ اتنگ نا بابت پیش رفت نا جاچ دیوان چارشنبے نادے آ اڈ ہلک۔ دیوان اٹی وزیراعلیٰ خیبر پختونخوا محمود خان، وزیر سیل و سوات عاطف خان، چیف سیکرٹری کے پی محمد سلیم، سیکرٹری سیل و سوات کامران رحمان و ایلو سینئر آفیسر آک ساڑی ئسر۔ وزیراعظم ءِ پنچ اہم سرکاری ماڑی تیا بشمول گورنر ہاؤس، کرناک ہاؤس، وزیراعلیٰ ہاؤس، اسپیکر ہاؤس، و آئی جی ہاؤس ءِ الس کن دستیابی نا بابت پیش رفت آ بریفنگ تننگا۔ بریفنگ اٹی پارے کہ مالاکنڈ و ہزارہ ڈویژن اٹی واقع 49 ریسٹ ہاؤس آک ستمبر آن الس ءِ دستیاب مریرہ۔ صوبہ نا ایلو 169 ریسٹ ہاؤس آتا بست و بند نابابت ہم بریفنگ تننگا۔
