ملک اٹی پولیو نا ساڑی حالیت، آخبت نا لائحہ عمل و صوبہ غاتے ٹی پولیو نا چٹفنگ کن چست کروک آ گام گیج آتیا بریفنگ تننگا
اسلام آباد۔ 21 اگست (اے پی پی) وزیراعظم عمران خان نا کماشی ٹی ملک اٹی پولیو نا حالیت آتیا چارشنبے نادے آ بڑزکو کہول نا دیوان اس اڈ ہلک۔ دیوان اٹی خصوصی کمکار نیشنل ہیلتھ ڈاکٹر ظفر مرزا، وزیراعلیٰ خیبر پختونخوا، وزیراعلیٰ بلوچستان، چیف سیکرٹری پنجاب و چیف سیکرٹری سندھ و ایلو سینئر آفیسر آک ساڑی ئسر۔ جہانی پارٹنر ادارہ بل اینڈ میلنڈاگیٹس آن ڈاکٹر ٹم پیٹرسن، ورلڈ ہیلتھ آرگنائزیشن آن ڈاکٹر پلیتھا گونارستھنا ماہی پالے، یونیسیف آن ڈاکٹر جون ایگبور، انجینئر انچیف لیفٹیننٹ جنرل معظم اعجاز، پاکستان اٹی کینیڈا نا ہائی کشمیر وینڈی گلمور ئسک ہم دیوان اٹی ساڑی ئسر۔ وزیراعلیٰ خیبر پختونخوا، وزیراعلیٰ بلوچستان، چیف سیکرٹری پنجاب و چیف سیکرٹری سندھ انا کنڈآن تعلقدار صوبہ غاتے ٹی پولیو نا چٹفنگ کن چست کروک آ گام گیج آتیا بریفنگ تننگا۔
