اسلام آباد۔ 21 اگست (اے پی پی) وزیر داخلہ اعجاز شاہ پارینے کہ پاکستان نا شونداری و گچینی کن ہر بندغ ءِ تینا انفرادی کڑد ءِ ادا کروئی مریک، پاکستان دہشت گردی نا برخلاف جنگ اٹی بھلو جانی و مالی نسخان اس برداشت کرینے۔ نیشنل ایکشن پلان نا کمک اٹ ملک آن دہشت گردی نا چٹفنگ اٹی بھلو کمک اس ملانے۔ چارشنبے نادے آ داڑے نیشنل ایکشن پلان نا بابت ورکشاپ آن تران کرسا وزیر داخلہ پارے کہ سانحہ اے پی ایس آن پد نیشنل ایکشن پلان مرتب کننگانے ہراڑا غٹ سیاسی جماعت آک امنا ءُ۔ اوپارے کہ پاکستان نا شونداری و گچینی کن ہربندغ ءِ تینا انفرادی کڑد ءِ ادا کروئی مریک۔ ورکشاپ اٹی کانود نافذ کروک آ ادارہ، پولیس و وزارت داخلہ نا کمامدارآک بشخ ہلکر۔
