اسلام آباد ۔ 20 اگست (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ پاکستان تحریک انصاف ءِ حکومت سروکی ءَ ایگ ءَ پد ملک ءِ جھل کپوکیں معیشت ءَ را سمبھالیتگ، گوستگیں سال برجم بوھوکیں پاکستان ءِ سال بوتگ وھدیکہ گوزوکیں سال پاکستان ءِ جوڑیشت ءِ سال بیت، کشمیر پاکستان ءِ مات رگ انت، میڈیا بھارتی ظلم ءُُ زوراکی ءِ گوانک ءَ چست بکنت، لگت مال بوتگیں کشمیری آنی جنگ ءَ را میاں اوستمانی پڑ ءَ جوانیں رنگ ءَ مچینگ ءِ پیسلہ کنگ بوتگ، مزن وزیر ءِ کابینہ ءَ را امریکی صدر ڈونلڈ ٹرمپ ءِ گوما کشمیر ءِ ھوالگ ءَ وتی گپ ءُُ تران آنی بابت ءَ سرپد کت ۔ دیمپانی پالیشی آنی واستہ آرمی چیف جنرل قمر جاوید باجوہ ءِ سرکاری مزدگری ءِ گیش ودینگ ءِ پیسلہ کنگ بوتگ، وھد ءِ یک راج ءِ جنگ ءِ جاور آنی تہ ءَ بہ بیت گڈا سپہ سالار ءَ را مٹ نہ کناں ، بنجاھی کابینہ ءَ پاک ترک سٹریٹجک اکنامک فریم ورک، کمو ھرچ ءُُ درچ ءَ چہ جوڑ بوھوکیں ماڑی جوڑ کنگ ءِ منصوبگ ءِ واستہ 5ارب کلدار ءِ وام پجاری، نیشنل انفارمیشن ٹیکنالوجی بورڈ، گس آنی توک ءَ لٹ ءُُ لٹکاری آناں گر ءُُ دار ءِ بل ءِ منظوری داتگ وھدیکہ کرسچن میرج بل 2019ءِ منظوری ھم دیگ بوتگ وھدیکہ وزیر ءِ رسانکار ءَ کابینہ ءَ ر ا وتی وزارت ءِ کار کرد ءِ بابت ءَ سرج میں بریفنگ داتگ ۔ مزن وزیر عمران خان ءِ سروکی ءَ کابینہ ءِ دیوان ءَ چہ سئے شمبے ءَ پریس انفارمیشن ڈیپارٹمنٹ ءَ اھوالکار آناں بریفنگ دیان ءَ مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ کابینہ ءِ دیوان ءَ 13ٹِکی ایجنڈا آنی سر ءَ چار ءُُ بچار کنگ بوت ۔ جتا جتائیں وزیر آں السی ضلورت آنی ھوالگ ءَ گامگیج آناں کابینہ دیوان ءِ دیم ءَ پیش کت اَنت ۔ آئی ءَ گوشت کہ مزن وزیر عمران خان گوستگیں دیوان ءَ اے پنت ءُ شون کتگ بوتگ کہ ھمک وزارت الس ءِ گہبود ءِ ھوالگ ءَ کتگیں گامگیج آناں کابینہ ءَ پیش بکن اَنت ۔ اے پنت ءُُ شون آنی رد ءَ دیوان ءِ ساھت ءَ درستاں چہ پیسر الس ءِ گہبود ءِ ھوالگ ءَ شور ءُُ مشور ءُُ گامگیج آنی بابت ءَ سرجم ءُُ برجمی ءَ باست ءُُ واست کنگ بوت ۔
