کوءٹہ ۔ 20 اگست (اے پی پی) بلوچستان عوامی پارٹی نا مرکزی راہشون صوبائی وزیر پی ایچ ای اینڈ واسا حاجی نور محمد خان دمڑ آرمی چیف جنرل قمر جاوید باجوہ نا ملازمت نا مد اٹی مسہ سال انا ودکی نا نوٹیفکیشن ءِ جاری کننگ نا ستاءِ کرسا اوپارے کہ ملک ءِ ساڑی آ مشکل حالیت آتے ٹی جنرل قمر جاوید باجوہ نا گرج ءِ، داخیال آتا درشانی ءِ صوبائی وزیر حاجی نور محمد دمڑ آرمی چیف جنرل قمر جاوید باجوہ نا ملازمت نا مد اٹی مسہ سال انا ودکی نا نوٹیفکیشن جاری مننگ آن پد صحافی تا اسہ پڑک اسے تون گپ و تران کرسا کرے ۔ اوپارے کہ نیم کسر اٹ حکمت عملی و لیڈر آتے بدلیفنگ مفک اوپارے کہ آرمی چیف جنرل قمر جاوید باجوہ نا ملازمت نا مد اٹی ودکی نا فیصلہ ستاکڑزک ۔ اوپارے کہ جنرل باجوہ نا قائدانہ لاءخی، حب الوطنی وخت انا اہم ءُ گرج اسے، قوم پت کننگ کیک کہ سلہہ بند فوج انا کماشی سوگو انگا دوتے ٹی ءِ، صوبائی وزیر حاجی نور محمد خان دمڑ آرمی چیف جنرل قمر جاوید باجوہ نا ملازمت نا مد اٹی ودکی آمبارکبادی ترسا پارے کہ جنرل قمر جاوید باجوہ ناکماشی ٹی پاک فوج ناقابل تسخیر ءِ، اوپارے کہ ملک ءِ ساڑی آ مشکل حالیت آتے ٹی جنرل قمر جاوید باجوہ نا گرج ئس، صوبائی وزیر حاجی نور محمد خان دمڑ پارے کہ آرمی چیف جنرل قمر جاوید باجوہ ملک انا دفاع و امن کن گچین گام گیج کریسس ہرافتا سوب اینو ملک اٹی امن و ایمنی ٹی کمک رسینگانے ۔ دشمن نا مخ انا ملی پنانے اوپارے کہ جنرل قمر جاوید باجوہ اسہ نڈر ءُ فوجی اسے خاص کر بلوچستان اٹی امن و ایمنی و بلوچستان نا شونداری و شونہالی کن آرمی چیف جنرل قمر جاوید باجوہ نا گام گیج آک ہچ گہس آن اودیم افس، اوپارے کہ حکومت پاکستان آرمی چیف جنرل قمر جاوید باجوہ نا ملازمت نا مد اٹی ودکی ملک و قوم نا عظیم تر فائدہ غاتے ٹی ءِ، اوپارے کہ حکومت و پاک فوج اسہ صف آٹو ۔ مودی نا جارحانہ گام گیج آتون مون تننگ کن آرمی چیف نا ملازمت نا مد اٹی ودکی المی ئس، اوپارے کہ آرمی چیف جنرل قمر جاوید باجوہ نا ملازمت نا مد اٹی ودکی آن ملک دشمن عنصر آتا تغ حرام مسنے، اوپارے کہ نن پاک فوج اتون ہم کوپہ مرسا پاکستان و بلوچستان اٹی امن و شونداری کن ہراول دستہ نا کڑد ءِ ادا کینہ ۔
