اسلام آباد ۔ 20 اگست (اے پی پی) وزارت موسمیاتی بدلی نا ترجمان پارینے کہ وزیراعظم عمران خان نا پرمان تے مون آ تخسا اسلام آباد ءِ پولی تھین بیگ آتیان فری کننگک، کلین گرین پاکستان مہم 14 اگست آن جاری ءِ و وزارت موسمیاتی بدلی مچ آ اسلام آباد اٹی چندی ٹیم تے جوڑ کرینے ہرا مارکیٹ و شاپنگ پلازہ غاتے ٹی الس ءِ پلاسٹک بیگ انا متبادل پچ انا سوگو بیگ مہیا کننگ ءُ ۔ سے شنبے نادے آ جاری اسہ بیان اسے ٹی ترجمان پارے کہ کلین گرین پاکستان نا ٹیمک مارکیٹ اٹی چیکنگ کننگ ءُ و پلاسٹک بیگ فراوان کروک آ دوکاندار تا برخلاف کارروائی کننگ انگ ءِ ۔ دا چرجوئی ٹی اسلام آباد نا علاقہ ایچ نائن اٹی مرکزی اتوار بازار نا پورو چیکنگ ءِ کننگا وخت اس کہ کلین گرین پاکستان نا ٹیم اسلام آباد نا کمرشل علاقہ بلیو ایریا ٹی کارروائی کننگا ۔ داٹی پنی آ فوڈ تروک آ ریسٹورنٹ آتے بھلو جرمانہ اس کننگا ۔ حکومت پارت آ عمل کپننگ نا حالیت اٹی پولی تھین بیگ مہیا کننگ آ سیل کننگک ۔ ترجمان پارے کہ بلیو ایریا ٹی فوڈ مہیا کروک آ ریسٹورنٹ آتے اِر ادے مست وارننگ جاری کننگاسس ولے عملدرآمد مفننگ نا حالیت اٹی کارروائی کننگا ۔
