اسلام آباد ۔ 20 اگست (اے پی پی) وزیراعظم نا خصوصی کمکار انسداد پولیو بابر بن عطاء پارینے کہ پاکستان اٹی داوخت آ 53پولیو کیس ءُ ہرافتیان 41خیبر پختونخوا ٹی ءُ و دافتیان ہم 30 کیس بیرہ بنوں نا ءُ ۔ تینا اسہ بیان اسے ٹی اوپارے کہ وزیراعظم عمران خان پولیو کیس آتا بابت تینٹ نوٹس ہلکونے ۔ بابر بن عطاء پارے کہ بنوں ٹی گڑاس پوریاگر آک تینا خواست آتے منفنگ کن پولیو مہم نا بائیکاٹ کریر ۔ اوپارے کہ وائرس نا چٹفنگ کن پولیو ویکسین اسٹ انگا ایسری ءِ ۔ لمہ و باوہ مفاد پرست عنصر آتا ہیت آتیا خف توپس ۔ اوپارے کہ پولیو نا پوسکن انگا لیبارٹری اسلام آباد اٹی ءِ و ہندا پڑی تیان غٹ مسلمان ملک آتے ٹی پولیو ءِ چٹفنگا ۔ اوپارے کہ پولیو ویکسین مسلمان ملک انڈونیشیا غان خواہفنگک ۔ اوپارے کہ اینو اسکان اسہ چناس ءِ ہم پولیو ویکسین آن نسخان رسینگتنے ۔ 5سال آن کم وئی ہر چناءِ ہر وار پولیونا پڑی کنفنگ المی ءِ انتئے کہ دا پولیو وائرس وار وار آ جلہو کیک ۔
