اسلام آباد ۔ 20 اگست (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ مقبوضہ کشمیر نا حالیت و ڈیہہ ٹی امن کن صدر ٹرمپ انا مصالحانہ کڑد ستاکڑزک، وزیراعظم عمران خان ہرا وڑاٹ دنیا ٹی کشمیر نا مقدمہ ءِ پیش کرے قوم ءِ اوڑا گمر ءِ، بھارتی نا انصافی و کشمیری تیا ظلم انا مقدمہ ءِ ہرفورم آ پیش کرسا کینہ ۔ سے شنبے نادے آ تینا ٹویٹ اٹی او پارے کہ جہانی برادری اسہ کنڈی بھارتی گام گیج و کشمیر نا حالیت آتا نوٹس ءِ ہلسا گڑتی نا درشانی ءِ کننگ ءِ، سلامتی کونسل نا دیوان آن بھارتی دعویٰ نا نفی مس کہ کشمیر اونا تہہ نا معاملہ ءِ ۔ اوپارے کہ بھارت اسہ کنڈی گام گیج آتیان راستکی تے بدل کننگ کیک و نئے دنیا نا خن تے توننگ کیک ۔ خصوصی کمکار پارے کہ ہرفورم آ بھارت ءِ اونا ظلم و بربریت نا آدینک ءِ نشان ایتنہ ۔ حق خودارادیت نا جہد اٹی پاکستان کشمیری تتون سلوک ءِ ۔ ڈاکٹر فردوس عاشق اعوان پارے کہ آجوئی نا سہب اسکان کشمیری تا سیاسی ، سفارتی و اخلاقی مخ تفی برجاسلک ۔
