اسلام آباد ۔ 20اگست(اے پی پی) شا ہ آمید گس ءَ احتساب آمید گسءِ جج ارشد ملک ءِ ہوالگءَ ویڈیو سیکنڈل کیسءِ سرءَ کاروائی سرجم کتگء ُ فیصلہ محفوظ کتگ ۔ سے شمبے ءِ روچءَ چیف جسٹس آصف سعید کھوسہ ءِ سروکی ءَ 3باسکی بینچ ءَ کیس گوشداشتگ ۔ اے موہ ءَ ایف آئی اے ءِ ڈی جی بشیر میمن ءَ ویڈیو سیکنڈل ءِ ہوالگءَ رپورٹ آمید گسءَ جم کتگ بلے آمید گسءَ آئیءِ سرءَ سدکی ءِ درشانی نہ کتگء ُ گشتگ کہ پریس کانفرنس ءَ ہرچ ویڈیو پیش دارگ بوتگ ایشیءِ باروا معلومد اری حاسل کنگءِ ہوالگءَ رپورٹ انگت دیما نیاتکگ ۔ ایف آئی اے ءِ ڈی جی ءَ گشتگ کہ ویڈیو سیکنڈل ءِ راستیں کارست ملک ءَ چہ ڈن اِنت اے جیڑہءِ سرءَ گیش کاروائی کنگءِ ضلورت اِنت امید گسءَ وکیل آنی گپاناں گوشدارگءَ پد فیصلہ محفوظ کتگ ۔
