کوءٹہ ۔ 19 اگست (اے پی پی) ترجمان حکومت بلوچستان لیاقت شاہوانی پارینے کہ ساڑی حکومت نا اسہ سال انا کارکڑدگی مثالی مسنے، داکان مست اسہ حکومت اس نا ہم داوڑکارکڑدگی خننگ تنے، داہیت اٹی ہچ ءُ شک اس اف کہ وزیراعلیٰ بلوچستان جام کمال خان ہر گڑاءِ خوڑتی اٹ ہرک و ہر ویل انا گچین ایسر اس کشنگ نا ہروڑکوشست کیک، وزیراعلیٰ بلوچستان نا وژن آ کاریم کرسا ساڑی حکومت ہراگام گیج آتے چست کرینے اوفتا مستین اٹی ہچ ءُ مثال اس ملپک، بلوچستان حکومت نا کنڈآن بلوچستان فوڈ اتھارٹی نا جوڑ کننگ، کوءٹہ پیکج نا رداٹ ایئر پورٹ روڈ، سریاب روڈ، اسپنی روڈ و سبزل روڈ انا کشادگی، سول ہسپتال کوءٹہ نا پوسکن جوڑ مروک اوپی ڈی ماڑی نا بنا، بلوچستان منرل پالیسی 2019نا منظوری، آثار قدیمہ نا رکھ ءِ المی کننگ کن بجٹ اٹی خصوصی فنڈ انا فراوانی ، بلوچستان اسمبلی ٹی ڈے کیئر سینٹر نا جوڑ کننگ، سعودی عرب نا بلوچستان اٹی 10 ارب ڈالر نا زرکاری آ آمادگی، وزیراعلیٰ بلوچستان نا اہم امور آ ویڈیو کانفرنسنگ ، السی انڈومنٹ فنڈ انا قیام، 20000خورک آسامی تیکن پالیسی اس جوڑ کننگ، ;668265; نا کمک اٹ ریکارڈ ریونیو دوئی کننگ، وزیراعلیٰ غاو سیل انا ٹہیفنگ، زیارت سیل و سواتی ڈٹ، صوبائی دارالحکومت نا سفائی و زیبائی نا خصوصی پروگرام ساڑی حکومت نا بے مٹ کارکڑدگی تا شاہدی اسے و دافتیان بیدس صوبہ نا استاد ،انجینئرز و ڈاکٹر آتا ویل آتا ایسری و داسہ زوت فارماسسٹ کن روزگار نا وارخواہی ودی کننگ ساڑی حکومت نا اولیت آتے ٹی اوارءِ ۔
