کوءٹہ ۔ 19 اگست (اے پی پی) وزیراعلیٰ بلوچستان جام کمال خان پارینے کہ دہشت گردی ءِ توننگ و دہشت گردی نا چٹفنگ اٹی سی ٹی ڈی نا اہم ءُ کڑد اسے ، صوبہ ٹی دیرپا امن حکومت نا اولیت ءِ ۔ داخیال آتا درشانی ءِ او دوشنبے نادے آ کوءٹہ ٹی سی ٹی ڈی ہیڈ کوارٹر نا دورہ نا وخت آ گپ و تران کرسا کرے، داوخت آ صوبائی وزیر داخلہ میر ضیاء لانگو ئسک ہم وزیراعلیٰ تون اوار ئسر ۔ آئی جی پولیس بلوچستان محسن حسن بٹ و ڈی آئی جی سی ٹی ڈی وزیراعلیٰ ءِ سی ٹی ڈی نا کارکڑد آ بریفنگ تس ۔ وزیراعلیٰ بلوچستان جام کمال خان پارے کہ سیکورٹی فورس آک دہشت گردی نا توننگ اٹی اہم سرسہبی دوئی کریر، سیکورٹی ادارہ غاتا قربانیک گمر نا سوب ءُ ہرافتا سوب امن گچین مس، پولیس فورس و سی ٹی ڈی نا گرج آتے اولیتی بنداو تیا پورو کننگک، اومستی پارے کہ فورس آتے پوسکن آسراتی و ٹیکنالوجی نا فراوانی وخت انا اہم ءُ گرج اسے ۔
