اسلام آباد ۔ 19 اگست (اے پی پی) مزن وزیر عمران خان ءَ دمگی سلامتی ءِ جاور ھال آنی رد ءَ چیف آف آرمی اسٹاف جنرل قمر جاوید باجوہ ءِ سرکاری مزدگری ءِ وھد ءُپ پاس ءِ تہ ءَ 3سال ءِ گیشی دات ۔ دو شمبے ءَ مزن وزیر کارگس ءِ نیمگ ءَ مزن وزیر ءِ دست چنگل ءَ چہ جاڑی بوتگیں مسل ءِ تہ ءَ گوشگ بوتگ کہ ’’جنرل قمر جاوید باجوہ ءَ را آئی ءِ سرکاری مزدگری ءِ سرجم بوھگ ء ِ رمس ءَ را گیش 3سال ودینگ ءِ واستہ چیف آف آرمی سٹاف نامینگ بیت ۔ اے پیسلہ دمگی سلامتی جاور ھال آنی رد ءَ کنگ بوتگ ۔ ‘‘ یات دارگ بہ بیت کہ جنرل قمر جاوید باھوہ ءَ 29نومبر 2016ءَ 16شانزدھمی چیف آف آرمی سٹاف ءِ بستار ءَ کمان ءِ داشتگ بوتگ ۔ آئی ایس پی آر ءِ تنج ءِ سر ءَ استیں ھال آنی رد ءَ جنرل قمر جاوید باجوہ ءَ را ’’نشان امتیاز‘‘ (اُردی) داد 24اکتوبر 1980ءَ 16بلوچ رجمنٹ ءَ کمیشن حاصل کتگ ۔ آ کینیڈین فورسز کمانڈ اینڈ سٹاف کالج (ٹورنٹو) کینیڈا، نیول پوسٹ گریجویٹ یونیورسٹی مونٹیسوری (کیلیفورنیا) امریکہ، نیشنل ڈیفنس یونیورسٹی اسلام آباد ءِ گریجویٹ اِنت ۔ آ سکول آف انفنٹری اینڈ ٹیکٹکس کوءٹہ، کمانڈ اینڈ سٹاف کالج کوءٹہ ءُُ این ڈی یو ءَ انسٹرکٹر ءِ بستار ءَ وتی ازمت پیلو کتگ انت ۔ جنرل قمر جاوید باجوہ انفنٹری بریگیڈ ءِ بریگیڈ میجر ءُُ راولپنڈی کور ءِ چیف آف سٹاف ھم بوتگ ۔ آئی ءَ 16 بلوچ رجمنٹ، انفنٹری بریگیڈ ءُُ ناردرن ایریا کمانڈر ایف سی این اے ءَ انفنٹری ڈویژن ءِ ھم کمان ھم سنبالیتگ ۔ آئی ءَ کانگو ءَ پاکستانی اُردی ٹولہ ءِ کمان ھم کتگ ۔ آ راولپنڈی کور ءِ کمانڈر ھم بوتگ ۔
