اسلام آباد ۔ 19 اگست (اے پی پی) حج کننگ آن پد حاجی تا وطن آ پدی بننگ نا چرجوئی جوانی اٹ برجاءِ ۔ داوخت اسکان 4ہزار حاجی وطن آ پدی سرمسنو ۔ وزارت مذہبی امور نا ترجمان نا رداٹ مکہ مکرمہ آن 1500آن زیات حاجی مدینہ منورہ غا سرمسنو ۔ مدینہ ٹی 8 دے اڈکننگ آن پد وطن آ رادہ مریرہ ۔ وزارت مذہبی امور نا پاننگ ءِ کہ حاجی تا بخیر کننگ کن ملک انا غٹ بالی پٹ آتیا حاجی کیمپ انا عملہ جوانی اٹ فرض ءِ انجام تننگ ءُ ۔ ملک انا 10 شار تیٹی حج فلاءٹ آپریشن 15ستمبر اسکان برجاسلک ۔
