اسلام آباد ۔ 19 اگست (اے پی پی) وزیر خارجہ مخدوم شاہ محمود قریشی وزارت خارجہ ٹی مواصلاتی ڈویژن نا دورہ ءِ کرے ۔ اسپیشل سیکرٹری خارجہ معظم علی خان ، ایڈیشنل سیکرٹری امیر خرم راٹھور، ترجمان وزارت خارجہ ڈاکٹر فیصل و وزارت خارجہ نا سینئر کمامدارآک ہم اوڑتون اوار ساڑی ئسر ۔ داوخت آ ڈائریکٹر مواصلاتی ڈویژن وزیر خارجہ ءِ نیٹ ورکنگ ڈیپارٹمنٹ نا کارکڑدگی نا بابت سرجم بریفنگ تس ۔ وزیر خارجہ پارے کہ ننے بھاز انگا چیلنج آک مون تروک ءُ، دا چیلنج آتون مون تننگ کن ننے تینا آفیسر آتا کاریم نا کچ ءِ وفوئی مریک ۔ مخدوم شاہ محمود قریشی پارے کہ وزارت خارجہ نا ورنا آفیسرآک پوروخواری ، جوزہ و تندہی اٹ کاریم کننگ ءُ و اوفتا نتیجہ غٹ انا مون آٹے ۔ اوپارے کہ ننے وزارت خارجہ نا مواصلاتی تکنیکی نظام ءِ پوسکن آ وڑوڈول آتیا ’’اسٹیٹ آف دی آرٹ‘‘ جوڑ کروئی ءِ ۔ وزیر خارجہ مواصلاتی ڈویژن ءِ گچین وسیلہ غاتا فراوانی کن تینا ہروڑنا کمکاری نا باوری کرفے ۔ اووزارت خارجہ نا سیکورٹی ڈویژن نا ہم دورہ ءِ کرے و سیکورٹی نا بست و بند آتیا است جمی نا درشانی ءِ کرے ۔
