پاکستان اوغان امن عمل اٹی اسیجا زمواری تے پورو کرسا خلوص نیت تون مصالحانہ کڑد ادا کرسا کیک
اسلام آباد ۔ 19 اگست (اے پی پی) وزیر خارجہ مخدوم شاہ محمود قریشی پارینے کہ پاکستان پرامن اوغانستان نا خواہندار ءِ و اوغان امن عمل اٹی اسیجا زمواری تے پورو کرسا خلوص نیت تون مصالحانہ کڑد ادا کرسا کیک ۔ دوشنبے نادے آ اوغانستان نا یوم استقلال آ تہنیتی کلہو اٹی اوپارے کہ اوغانستان نا یوم استقلال آ اوغانستان نا حکومت و الس ءِ است انا حب اٹ مبارکبادی ایتیوہ ۔ وزیر خارجہ پارے کہ اوغانستان و پاکستان نا الس پیڑی تیان متکن راجی، معاشرتی و معاشی رشتہ غاتے اٹ گنڈوک ءُ ۔ اوپارے کہ پرامن اوغانستان مچ آ ڈیہہ نا امن و سوگوی کن المی ءِ، پاکستان اوغان امن عمل اٹی اسیجا زمواری تے پورو کرسا، خلوص نیت تون مصالحانہ کڑد ادا کننگءِ و کرسا کیک ۔
