اسلام آباد ۔ 19 اگست (اے پی پی)بنجائی وزیر بحری امور علی زیدی تون وائس چانسلر سندھ میڈیکل کالج طارق رفیع اوڑدہی کرے و تینا ادارہ نا طالب علم و فیکلٹی باسک آتا کنڈآن مہم اٹی پبی کمکاری نا باورکرفے ۔ اوڑدہی ٹی وائس چانسلر طارق رفیع علی زیدی نا کلین کراچی مہم نا ستاءِ کرے و پارے کہ داگام گیج آن قائد نا شار انا دا متکن آ ویل ءِ ایسر کننگ و تینا چین تے صاف ستھرا چاگڑد اس فراوان کننگ اٹ کمک رسینگک ۔ وائس چانسلر سندھ میڈیکل کالج پارے کہ سندھ میڈیکل کالج نا طالب علم و استاد آک دا نیک انگا مسخت اٹ نما شانہ بشانہ ءُ ۔ پبی کمکاری نا باوری کرفنگ آ بنجائی وزیر بحری امور علی زیدی وائس چانسلر نا منت واری ءِ ہرفے ۔
