اسلام آباد ۔ 19 اگست (اے پی پی) بنجائی وزیر تعلیم و کسبی تربیت شفقت محمود شجر کاری مہم نا رداٹ بنجائی تعلیمی بورڈ انا دنگ اٹ نیال اس خلک ۔ دوشنبے نادے آ شفقت محمود نیال اس خلنگ آن پد پارے کہ ماحولیات ننا اہم ءُ ویل اسے ، ننے داسہ تینا آخبت نا بارواٹ سجفوئی مریک ۔ موسمیاتی بدلی آن مچ آ دنیا زہمی مننگ ءِ و غٹ آن زیات زہمی مروک آ ملک آتے ٹی پاکستان ہم اوارءِ ۔ شجر کاری ہی اسٹ انگا ایسری ءِ ہراڑان موسمیاتی بدلی نا زہم آتون مون تننگ مریک ۔
