واشنگٹن ۔ 19 اگست (اے پی پی) وزیراعظم آزاد کشمیر راجہ فاروق حیدر امریکی صدر نا سلاہکار ساجد تارڑ تون اوڑدہی کرے ہراٹی کشمیر نا ویل اتون اوار کشمیری تیا بھارتی بیدادی و مقبوضہ کشمیر نا تازہ انگا حالیت آتیا گپ و تران کننگا ۔ داوخت آ وزیراعظم آزاد کشمیر پارے کہ بھارتی فوج کنٹرول لین آ شاری آبادی ءِ نشانہ و ممنوعہ کلسٹر بمب آتے کاریم اٹ اتنگ ءِ ۔ اوپارے کہ مقبوضہ کشمیر اٹی کشمیری تیا عرصہ حیات ءِ تنگ کننگانے، وادی ٹی 15دے آن کرفیو ءِ، مقبوضہ کشمیر اسہ جیل اسے ٹی بدل مسنے ۔ اوپارے کہ امریکہ اقوام متحدہ نا قرارداد آتا رداٹ کشمیر نا ویل ءِ ایسر کننگ اٹ کڑد ادا کے ۔ امریکی صدر نا سلاہکار ساجد تارڑ پارے کہ صدر ڈونلڈ ٹرمپ کشمیر نا ویل انا پرامن ایسری ءِ باورکیک ۔ اوبھارتی فوج انا کنڈآن انسانی حق انا خلاف ورزی تا ترندی اٹ مذمت ءِ کرے ۔
