اسلام آباد ۔ 18 اگست (اے پی پی)مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ کشمیر ءِ جیڈھ ءَ را اولی دلگوشی قرار دیان ءَ گوشت کہ راجی ایجنڈہ ءِ سرا مہ دراھ یکجاھ انت،مروچیگیں روچ حکومت ءِ ءِ یک سالءِ سرجمی ءِ روچ انت بلے مہ اے روچ ءَ وتی مظلوم کشمیری گہار ءُُ براتانی نامءَ کنگ انت، بھارت ءَ مکروہ عمل ،سفاکیءُّ سیاھگ گامگیج چہ سرج میں وادی ءَ را جیل ءَ بدل کتگ، کشمیر ءِ تہ معصوم ءِ زھگ شیروھدیکہ نادراھ ءِ مردم درمان ءِ ھاترا سکگ انت،وتی حق ءِ ھاترا توار چست کنوکاں را بھارتی فوج ءِ نیمگا چہ بدتریں ریاستی ناشرکاری ءِ نشانگ جوڈ کنگ بوھگ انت، کشمیر ءِ جیڈھ ءَ را دیما آرگ ءِ ھاترا مہ سیاسی مفاداں را پشت ءَ ایر کتگ ۔ ہمہ رنگ ءَ کہ اے حکومت ءَ کشمیرءِ جیڈھ ءَ چست کتگ ایشی ءِ مثال نہ ملگ انت، میڈیا ءِ آزاتی ءُُ شریں کچہ چینی ءَ را وش اتک کنیں پرچہ کہ حکومت اظہار آزاتی ءِ سرا سرج میں سدکی ایر کنگ انت ، حکومت ءَ یک سالءِ تہ محنت،دیانتداری ءُُ راستیں نیمگا پالیسیانی بنداتی کتگ، پالیسیانی ثمرمہلوک ءِ دیمروئی ءُُ وشھالی ءِ دروشم ءِ تہ دیما کا ائیت ۔
