بھارتی وزیر دیمپانی راج ناتھ ءِ ایٹمی وتاس آنی کارمردی ءَ پیسر بوھگ ءِ ھوالگ ءَ بیان سک باز اپسوزی انت، ایٹامک وتاس آنی کارمردی کنگ نا ایوک ءَ بھارت ءِ دروگ سہرا بوت انت، ایشی ءَ چہ بھارت ءِ گیر زمہ دار ءُُ جنگول بوھگ ءِ درشان بیت، درئی کارانی کارگس ءِ جارچین

اسلام آباد ۔ 17 اگست (اے پی پی) پاکستان ءَ گوشتگ کہ بھارتی وزیر ءِ دیمپانی راج ناتھ ءِ ایٹمی وتاس آنی کارمردی ءَ پیسر بوھگ ءِ بوھگ ءِ ھوالگ ءَ بیان سک باز اپسوزی انت، ایشی ءَ چہ بھارت ءِ گیر زمہ دار ءُُ جنگول بوھگ ءِ درشان بیت ۔ دارچین درئی کارانی کارگس ڈاکٹر فیصل ءَ شمبے ءَ یک جُستے ءِ پسو ءَ گوشت کہ بھارتی وزیر ءِ دیمپانی ءِ بیان ءَ چہ ایٹمی وتاس پیسر ءَ کارمرد نہ کنگ ءِ بھارت ءِ دروگیں گپ سہرا بوتگ انت ایشرا ما اچبر ارزشت نہ داتگ ۔ آئی ءَ گوشت کہ ایٹمی وتاس آنی کارمردی ءَ پیسر بوھگ ءِ بھارتی سوگند ءِ بیسہ کنگی نہ انت ایشرا راست لیکگ نہ بیت ءُُ ھاسیں رنگ ءَ جنگی گنوکی ءُُ ارد ءِ لڈ ءُُ بار ءِ تہ ءَ گیشی اے توا میں سوگند آناں رد کنت ۔ جارچین ءَ گوشت کہ پاکستان ءَ زرّباری ایشیا ءَ ایٹمی ماڑی آنی رکھینگ ءِ واستہ کمان ءُُ کنٹول ءِ جوانیں گامگیج چار ءُُ بچار کتگ انت ءُُ اے رد ءَ کجام ھم نہ وشیں گامگیج ءَ چہ مکن کتگ، پاکستان وتی رکھینگ ءِ واستہ کم چہ کم ایٹمی ازمکاری ءَ را مُدام یک شل ءَ دار ایت ۔