اسلام آباد ۔ 17 اگست (اے پی پی) بنجاھی وزیر برائے منصوبگ بندی، دیمروئی کاری مخدوم خسرو بختیار ءَ شمبے ءَ اسلام آباد ءَ بنجاھی وزیر برائے اھوالکاری ءُُ شنگ ڈاکٹر فردوس عاشق اعوان ءَ گوں گند ءُُ نند کت ۔ گند ءُُ نند ءَ ڈپٹی چیئرمین پلاننگ کمیشن ڈاکٹر محمد جہانزیب خان، سیکرٹری منصوبہ بندی ظفر حسن، سیکرٹری اھوالکاری بانُک زاہدہ پروین، منصوبگ بندی کمیشن ءِ ممبر ءُُ دوئیں وزارت آنی کلانہ ایں اپسرگ آں ھم بھر زوری کت ۔ وزیر ءِ منصوبگ بندی خسرو بختیار ءَ حکومت ءِ پالیشی ءُُ گامگیج آناں جوانیں رنگ ءَ سہرا کنگ ءَ ھوار مالوداری آناں الس ءَ تاں سر کنگ ءَ وزارت ءِ اھوالکاری ءِ کرد ءَ را ساڑات ۔ گند ءُُ نند ءِ ساھت ءَ وزارت ءِ اھوالکاری ءِ جتا جتائیں گامگیج آنی سرءَ چار ءُُ بچار کنگ بوت ۔
