اسلام آباد ۔ 17 اگست (اے پی پی) صدر مملکت ڈاکٹر عارف علوی ءَ گوشت کہ وھدیکہ انسان ءِ ذہن آزاد بوھگ انت تو راج ھم دیمروئی کنگ انت، پاکستان ءِ تہ آرٹ ءُُ کلچر ءَ را پراھی دیگءِ ھاتراگامگیج کنگ انت ۔ سرکاری ماڑیانی ءُُ بالی پٹ آنی سرا آرٹ ءِ لہتیں عکسانی نماش کت کنگ بیت، جمی انجینئر ءِ چاگری تک ءِ تہ ھاسیں ہزمت انت،آہاں پاکستان ءِ جدوجہد آزاتی ءِ چکاریں عکاسی کتگ،ایشانی سئے ہزار چہ گیش فن پارہ ءُُ یک ہزار نمدیءِ نمونگ انت،بنجاہی بُن شہر ءِ دمگ شکر پڑیاں ءِ نماش گیلری ءِ ھاترا دراجیں جاگہ ساڑی انت،نامدراریں ازمکار صادقین ءِ فن پارہ منگلا ءِ تہ جتگیں انت،یورپ ءِ دیمروئی ءِ تہ آرٹس اینڈ کرافٹس ءِ مزنیں بھر انت،پاکستان ءِ تہ آرٹ اینڈ کلچر ءِ پراھی ءِ باز ضلورت انت ۔ ھپتگ ءَ ایوان صدر ءِ تہ نامداریں آرٹسٹ جمی انجینئر ءِ جوڈ کتگیں فن پارہانی نماش ءِ بنداتی مراگش ءَ گوں تران کنان ءَ کتگ ات ۔ مراگش ءَ گوں تران کنان ءَ صدرمملکت ڈاکٹر عارف علوی ءَ گوشت کہ نماش ءِ برجمداری ءِ سرا آمنہ پٹودی ءِ کاوش ستا ءِ لائق انت ۔ آہاں گوشت کہ گوست ءِ تہ پیسریگیں ھالرسانی ءِ وزیر چوہدری فواد حسین ءَ صلاح داتگ ات کہ ایوان صدر ءِ تہ مشاعرہ کنائینگ بیت تنکہ ھرچانی تہ بچت کنگ بیت، اے ھوالہ چہ بنجاہی وزیر وانگ ءُُ زانگ شفقت محمود ءُُ پیسریگیں ھزانگ وزیر اسد عمر ءَ گوں شءورءُُ صلاح کتگ ایشی ءِ پدا مشاعرہ ءِ برجمداری کنگ بوتگ بلے ایشی ءِ سرا مزنیں کچہ چینی کنگ بوتگ ۔ آہاں گوشت کہ مہ ملک ءِ تہ آرٹ ءُُ کلچر ءِ پراھی ءِ ھاترا گامگیج ءَ زورگ انت ۔ آہاں گوشت کہ ملک ءِ تہ آرٹ ءُُ کلچر ءِ پراھی ءِ زمہ واری بنجاہی وزیر تعلیم ءُُ ہیلکاری شفقت محمود ءَ زرتگ ات ۔ صدر مملکت ءَ گوشت کہ من جمی انجینئر ءِ شری ءِ کاراں چہ سرپد ات ۔ آہاں گوشت کہ آرٹسٹ طبقہ وتی ماتیں زبان ءِ واھشتاں چہ دور چاگردءِ گہتری ءِ سوچگ ات ۔ صدر مملکتءَ گوشت کہ آرٹسٹ کجام بیت آں چاگردءِ عکاس انت ۔ آہاں گوشت کہ جمی انجینئر ءَ وتی فن پارہ ءَ تحریک پاکستان ءُُ کشمیر ءِ جیڈھ ءَ را دیما آرگ ءِ ھوالہ چہ گہتریں عکاسی کتگ ات وھدیکہ آہاں لینڈ سیکپ ، منی ایچرز ءُُ ایبسٹریکٹ ءِ ھوار لہتیں ھوالہ چہ کار کتگ ات،جمی انجینئر ءِ سئے ہزار ءَ چہ گیش فن ءُُ یک ہزار خطاطی ءِ لہتیں نمونگ ءُُ لہتیں ڈرائنگزھم انت ۔ صدر مملکتءَ گوشت کہ سرج میں دگنیا ءِ تہ زرتشت طبقہ ءِ کساس باز کمو انت بلے اُلسی ءُُ چاگردی فلاح ءُُ گہبود ءِ تہ آہانی کرد لازوال انت ۔ آہاں گوشت کہ پاکستان ءِ تہ اردشیرکاءوس جی ، کرکٹ ءِ کمنٹیٹر ءُُ پیسریگیں سفیر جمشید مارکر ءِ ابید السی فلاح ءُُ بہبود ءِ ھاترا کارکنوکانی تہ نماھندگی باز پدر انت ۔ آہاں گوشت کہ بانی پاکستان قائداعظم محمد علی جناح;231; ءَ یک پارسی زالبولے ءَ گوں آروس کتگ ات ،مئے اے کمیونٹی ءَ گوں جہلانکیں سیادی انت ۔
