اسلام آباد ۔ 17اگست(اے پی پی ) دری کارانی وزیر شاہ محمود قریشی ءِ سروکی ءَ دری کارانی وزارتءَ مزن وزیرءِ کشمیرءِ ہوالگءَ حاسیں کمیٹی ءِ دیوان بوتگ کہ آئیءِ تہءَ مقبوضہ کشمیر ءِ ہوالگءَ اقوام متحدہ ءِ سلامتی کونسل ءِ گوستگیں روچءَ بوتگیں دیوان ءِ ہوالگءَ شورء ُ تران کنگ بوتگ ۔ دیوان ءَ آزاد کشمیر ءِ صدر سردار مسعود خان، کانودءِ وزیر بیرسٹر فروغ نسیم، مزن وزیرءِ حاسیں کمک کار فردوس عاشق اعوان ، چیرمین قائمہ کمیٹی قومی اسمبلی برائے امور خارجہ مشاہد حسین سید، چیئرمین سینیٹ کمیٹی برائے امور خارجہ سید فخر امام، گورنر گلگت بلتستان راجہ جلال حسین، سید نوید قمر،حاسیں کمیٹی ءِ باسک ، اٹارنی جنرل آف پاکستان سول و عسکری سروک ہوار بوتگ اَنت ۔ دیوانءَ مقبوضہ کشمیرءِ سرءَ بھارتءِ گیر قانودی گامگیج ء ُ ظلمء ُ ناحقی ء ُ بھارتءِ نیمگءَ چہ لائن آف کنٹرول ءِ حلاپ ورزی آنی سرءَ حیالء ُ لیکہءِ د رشانی کنگ بوتگ ۔ اے کمیٹی مقبوضہ جموں ء ُ کشمیرءِ ناگیگیں جاورھالانی ردءَ مزن وزیر عمران ءِ سروکی ء َ نیشنل سیکورٹی کمیٹی ءِ دیوانءَ اے کمیٹی جوڑ کنگ بوتگ ۔
