اسلام آباد ۔ 16اگست(اے پی پی)دری کارانی وزیر شاہ محمود قریشی ءَ گشتگ کہ ما پہ کشمیرءِ جیڑہ ءَ را گیشء ُ گیوار کنگءِ ھاترءَ ہرچ وڑیں گامگیج چست کنگءِ فیصلہ کتگ، پنجاہ سال ءَ پد اولی رندءَ سلامتی کونسل ءَ کشمیرءِ جیڑہء ُ جنجال ءِ سرءَ گپء ُ تران کنگ بوتگ، بھارتءَ اے جیڑہءَ را چہ دنیاءَ چیر داتگ، بلے مرچی بھارت ءِ بیم ناکیں دیم سہرا اِنت،آئیءَ گشت کہ تاں وہدے کہ ہندوستانءِ دری کارانی وزیر کشمیرءَ چہ کرفیو ءَ ہلاس نہ کنت من پہ دری کارانی وزیرءِ ارزشتءَ وگوں آئیءَ نزیکی نہ کناں ۔ جمعہ ءِ روچءَ دری کارانی وزارت ءَ مقبوضہ جموں ء ُ کشمیرءِ ہوالگءَ سیکورٹی کونسل ءِ دیوان ءِ ہوالگءَ پریس کانفرنسءَ گوں تران کنانءَ دری کارانی وزیرءَ گشتگ کہ پاکستانءِ دزبندی ءِ سرءَ 72کلاکاں اقوام متحدہ ءِ سیکورٹی کونسل ءِ دیوان لوٹگ بوتگ کہ ما پہ اے گامگیج ءَ درائیں سلامتی کونسل ءِ باسکانی منت وار اَنت ۔ آئیءَ گشتگ کہ دنیاءَ بھارتءِ لیکہ ءَ را نہ من اِتگ، مرچی دنیاءَ بھارتءِ بیم ناکیں دیم دیست ۔
