اسلام آباد ۔ 16اگست(اے پی پی ) دری کارانی وزیر شاہ محمود قریشی ءَ گشتگ کہ مزن وزیر عمران خان ء ُ امریکی صدر ڈونلڈ ٹرمپ ءِ نیامءَ جمعہ ءِ روچءَ ٹیلی فونءِ سرءَ نزیکی بوتگ، امریکی صدرءَ گوں مقبوضہ کشمیر، اوگانستان ء ُ خطہ ءِ جاورھالانی سرءَ گپء ُ تران کنگ بوتگ ۔ حال درءَ را شونشت داتگء ُ دری کارانی وزیر ءَ گشتگ کہ مزن وزیرءَ امریکی صدرءَ را مقبوضہ کشمیرءَ جاڑی ظلمء ُ ناحقی ء ُ پاکستان ءِ تکانسری ءَ چہ سرپد کتگ ، مز ن وزیر ءَ صدر ٹرمپ ءَ را کشمیرءِ جیڑہ ءِ سرءَ سلامتی کونسل ءِ دیوانءِ ہوالگءَ چہ پاکستانءِ حیالء ُ لیکہ ء َ چہ سرپد ک تگ ۔ آئیءَ گشتگ کہ صدر ٹرمپ ءَ گوں اوگانستانءِ باتءَ ہم گپء ُتران بوتگ ۔ مزن وزیرءَ گشتگ کہ پاکستان مدامی اوگانستان ءَ مھک میں امنء ُ ایمنی ءِ لوٹوک اِنت ۔ مزن وزیر ءَ گشتگ کہ پاکستان ءَ دائم ءَ خطہ ءِ شری ءِ ھاترءَ وتی کرد پیلو کتگ ۔
