اسلام آباد ۔ 16 اگست (اے پی پی) چیئرمین سینیٹ محمد صادق سنجرانی کوءٹہ نا علاقہ کچلاک اٹی مدرسہ نا خڑک آ مروک آ دھماکہ نا ترند انگا لوز آتے ٹی مذمت ءِ کرسا پارینے کہ دہشت گرد آک ملک انا امن و ایمنی ءِ لتاڑسا تینا مذموم مسخت آتے ٹی سرسہب مننگ کپسہ ۔ او بمب دھماکہ ءِ دہشت گرد آتا لغوری کارروائی و شکست کنوک ذہنیت گوندا ۔ چیئرمین سینیٹ کچلاک دھماکہ ٹی تپاخت کروک آ بندغ آتا پدسلوک آتا خاہوت آتون ہڑزخواہی کرے و ٹھپی تا زوت جان جوڑی کن دعا کرے ۔ ڈپٹی چیئرمین سینیٹ سلیم مانڈوی والا ، سینیٹ اٹی قائد ایوان سینیٹر شبلی فراز، سینیٹ اٹی قائد حزب اختلاف سینیٹر راجہ محمد ظفرالحق ئسک ہم کچلاک اٹی مروک آ دھماکہ نا ترند انگا لوز آتے ٹی مذمت ءِ کرینو ۔
