اسلام آباد ۔ 16اگست(اے پی پی) مز ن وزیرءِ حاسیں کمک کار ڈاکٹر فردوس عاشق اعوانءَ گشتگ کہ مقبوضہ کشمیرءَ ظلمء ُ ناحقی کنگءَ چہ وتءَ را سیکولر گوشوکیں بھارتءِ بیمناکیں دیم درا بوتگ ، بھارت مقبوضہ کشمیرءَ کشمیری اُلس ءِ نسل کشی ءَ کنگءَ اِنت، بھارت ءَ مدام میاں او ستمانی قانودءَ را لگت مال کتگ، اگاں کشمیرءَ ظلم ء ُ ناحقی ء ُ نسل کشی انچو بوتاں گڑا جاورھال بوسنیا ء ُ روہنگیا ءِ وڑ بوت کناں ، اگاں اقوام متحدہ وتی زمہ واریاں پیلو کنگءَ سوبمند نہ بوت گڑا ما پہ کشمیرءِ ھاترءَ ہرچ وڑیں گامگیج چست کنگءَ مجبور بنت ۔ اے حیالانی درشانی آئیءَ جمعہءِ رو چءَ وتی ویڈیو بیانءَ کتگ ۔ آئیءَ گشتگ کہ بھارتءَ دائمءَ میاں اوستمانی منء ُ گرآنی حلاپ ورزی کتگ ۔ آئیءَ گشت کہ کشمیرءِ جیڑہ ءِ سرءَ سلامتی کونسل باسکانی ملک آنی چکاسءِ روچ اِنت ، آ بائد اِنت بھارتءَ را زور پِر بدے اَنت کہ آ وتی ظلمء ُ ناحقی ءَ بند بہ کنت ۔ آئیءَ گشتگ کہ70سالاں چہ بھارت کشمیرءِ سرءَ ظلم ء ُ ناحقی کنگ ءَ اِنت بلے کشمیری آنی آجوہی ءِ جوش ء ُ جزبگ کم نہ بوتگ ، کشمیرءَ 13روچ اِنت کہ کرفیو اِنت، لاک ڈاءون اِنت، حال رسانکی نظام جام اِنت ء ُ دوا ء ُ درمان ءِ کمی اِنت ۔ آئیءَ گشتگ کہ اے جیڑہ ءِ گیشء ُ گیوار ءِ ھاترءَ اقوام متحدہ ء ُ او آئی سی دو مزنیں فورم اَنت، ما اے جیڑہ ءَ را اقوام متحدہء َ چست کتگ، اگاں میاں اوستمانی ادارگ اے بابتءَ ناکام بوت گڑا ما پہ کشمیری آنی ھاترءَ گامگیج چست کنگءَ مجبور بنت ۔
