اسلام آباد ۔ 16 اگست (اے پی پی) صدر مملکت ڈاکٹر عارف علوی ءَ گوشت کہ پاکستان ءُُ ملائیشیا وتی نزیکیں ءُُ برات گونگیں یکوئی ھاسیں رنگ ءَ سرمایہ کاری ءُُ سیل ءُ سواد ءِ شوبگ ءَ دو نیمگی کمک آنی تہ ءَ مٹ کت کناں ، اے ھولگ ءَ پاکستان ءَ استیں موہ آناں ڈن ملک ءَ سرج میں رنگ ءَ سہرا کنگ لوٹ ایت ۔ آ ملائیشیا ءِ واستہ پاکستان ءِ نامینتگیں ہائی کمشنر آمنہ بلوچ ءَ گوں گپ ءُُ تران ءِ ساھت ءَ کت آئی ءَ آدینگ ءِ روچ ءَ ایوان ءِ صدر ءَ آئی ءَ گوں گند ءُُ نند کت ۔ صدر ءِ مملکت ءَ گوشت کہ دوئیں ملک آنی نیام ءَ دو نیمگی یکوئی یک رنگیں نیک راھ، یکیم دود ءُُ ربیدگ ءُُ کمک ٓنی مھک میں ریشگ ءَ گوں بندوک اَنت ۔ پاکستان ملائیشیا ءِ گوما وتی یکوئی آناں سک باز ازشت دنت ۔ آئی ءَ نامینتگیں ہائی کمشنر ءِ سر ءَ زور پر دات کہ آ دو نیمگی یکوئی آناں گیش مھکم کنگ ءِ وساتہ ھمک رنگے کوشس ءُُ جہد بکنت، ھمے رنگ ءَ ویلیو ایڈڈ سامان آنی سر ءَ ھاسیں دلگوشی دیان ءَ پاکستان سامان آنی ڈن ءَ روان دیگ ءِ تہ ءَ گیشی ءُُ سیل ءُُ سواد ءِ شوبگ ءَ استیں موہ آناں سہرا کنگ ءِ واستہ ھم گامگیج کنگ لوٹ ایت ۔
