اسلام آباد ۔ 16 اگست (اے پی پی) مزن وزیر عمران خان ءَ گوشت کہ راج دپتر ءِ سبک انت کہ وھدے یک راج ءِ وتی آزاتی ءِ واستہ یک مشت بیت ءُُ مرگ ءِ ترس ءَ چہ آزاتی بہ زور ایت گڈا اچ زوراک ایشی ءِ دیم ءَ اوشتات نہ کنت، ایشی ءِ منزل ءِ پہ پینگ ءُُ کنٹگ جت نہ کنت، فاشٹ مودی سرکاری ءِ نیمگ ءَ چہ کشمیری آنی آزاتی ءَ پہ جہد ءُُ کوشست ءِ دیم ءَ توا میں پینگ ءُُ پندل ناکام بوتگ بنت ۔ آدینگ ءِ روچ ءَ ٹویٹس ءِ تہ ءَ مزن وزیر ءَ گوشت کہ ہندو سروکی ءِ واھشت دار فاشٹ مودی سرکار ءَ را پھمگ لوٹ ایت کہ گیشیں اُرد آنی وسیلگ ءَ اُرد، ناشرکار آناں شکست دیگ بوت کنگ بلے راج دپتر گواہ انت کہ راج آزاتی ءِ واستہ موت ءِ ترس ءَ چہ آزاتی گروک آناں اچ رنگیں ھاٹیگ ءُُ زوراک ایشی ءِ منزل ءِ دیم ءَ پینگ جت کت نہ کناں ۔ مزن وزیر ءَ گوشت کہ ھمے سبب انت کہ مودی سرکار ، ہندو پجاری آنی ٹولیگ مقبوضہ کشمیر ءَ بے سوب بنت ءُُ کشمیری آنی جہد ءُُ کوشست آناں گٹو کنوک آنی توا میں جہد ءُُ کوشست سرجمی ءَ ناکام بنت ۔
