مقبوضہ کشمیر اٹی 7 لکھ فوج انا تعیناتی آن پد ہم بھارت اٹی جیرت اف کہ او گچین کاری تے کرفنگ کے
اسلام آباد۔ 11مارچ (اے پی پی) بنجائی وزیر اطلاعات و نشریات چوہدری فواد حسین پارینے کہ 7 لکھ فوج کشمیر اٹی تعینات ءُ اوکان پد ہم بھارت اٹی جیرت اف کہ او کشمیر اٹی گچین کاری تے کرفنگ کے، بھارت ضد کپ بلکن استصواب رائے نا کنڈا کائے، و خلقت ءِ فیصلہ کننگ کن اِلے کہ او انت اس خوارہ ۔ دوشنبے نادے آ تینا ٹویٹ اٹی بنجائی وزیر اطلاعات و نشریات چوہدری فواد حسین پارے کہ ہفت لکھ فوج مقبوضہ کشمیر اٹی تعینات ءُ و ہر دہ کشمیری تیا اسہ بھارتی فوجی اس مسلط ءِ اوکان پد ہم بھارت اٹی جیرت اف کہ او کشمیر اٹی گچین کاری تے کرفنگ کے۔ اوبھارتی حکمران تے پارے کہ ہراتم ارب آ روپئی سیکورٹی آ خڑچ کننگ آن پد ہم نما داحالیت ءِ تو ضد کپبوبلکن استصواب رائے نا کنڈآ ہنبو و خلقت ءِ فیصلہ کننگ کن الیبو کہ اوانت اس خوارہ۔
