اسپیکر راجی اسمبلی ءَ ریاض ءَ کنگ خالد ءِ میان استمانی بالی پٹ ءِ سر ءَ حوثی آنی اُرش ءِ مذمت کتگ

اسلام آباد ءِ سرا بوتگ۔ 11اکتوبر (اے پی پی) راجی اسمبلی ءِ اسپیکر سردار ایاز صادق ءَ ریاض ءَ کنگ خالد میان استمانی بالی پٹ ءِ سر ءَ حوثی سرمچار آنی نیمگ ءَ اُرش ءِ سک باز مذمت کتگ ءُ گران بھائیں انسانی جانانی بیرانی ءِ سر ءَ سک باز رنج ءُ گم ءِ درشان کتگ۔ قومی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ تہ ءَ اسپیکر قومی اسمبلی ءَ بے گناھیں شہری آنی شہید  کنگ ءِ سر ءَ دلپدردی ءِ درشانی کتگ ءُ سعودی عرب ءِ سروکی ءُ براتیں الس ءَ گوں دل ءِ جہلانکی ءَ دلپدردی ءُ یکوئی ءِ درشانی کتگ۔ اسپیکر ءَ گوشت کہ پاکستان ءِ پارلیمنٹ ءُ الس اے غم ءِ ساھت ءَ براتیں ملک سعودی عرب ءِ گوما اوشتاتگ انت۔ آئی ءَ گوشت کہ بے گناھیں شہری آں نشانگ جوڑ کنگ میاں اوستمانی کانود ءِ مزنیں ھلاپ ورزی اِنت، اے کارروائی ھچ رنگ ءَ منگ نہ بیت۔ سردار ایاز صادق ءَ گوشت کہ زوراکی ءِ کارروائی دمگی امن ءُ ایمنی ءُ برجائی ءِ واستہ مزنیں ھترہ انت ۔ قومی اسمبلی ءِ صدر ءَ گوشت کہ پاکستان ءُ سعودی عرب ءِ نیام ءَ دیریں براتی سیادی است انت کہ ایشی ءِ بنیات ءَ وت مہ وتی دل یکیمی، براتی ءُ دیمپانی کمکی انت۔ پاکستان سعودی عرب ءِ حاکمیت، علاقائی یکوئی ءُ ایمنی ءِ رکھینگ ءِ واستہ جزمیگ انت۔ پاکستان سعودی عرب ءِ واستہ وتی براتی سیادی ءُ بے مٹیں کمک ءِ سر ءَ مھکم اوشتاتگ انت۔ آئی ءَ دعا کت کہ اللہ تعالیٰ شہیداں جنت ءِ تہا بُرزیں جاہ ءُ ٹپیاں زوت وش ءُ سلامت بہ کنت۔