چوہدری نثارعلی خان ءِ سوغند ہرفپننگ آ صوبائی اسمبلی نا رکنیت آن فارغ کننگے
اسلام آباد۔ 11 مارچ (اے پی پی) بنجائی وزیر پٹرولیم غلام سرور خان پارینے کہ چوہدری نثارعلی خان تاریخی باتننگ آن پد دماغ تے کاریم ءِ اِلانے ، سوغند ہرفپننگ آ اودے صوبائی اسمبلی نا رکنیت آن فارغ کننگے، السی خذمت نا جوزہ مسکہ تو صوبائی اسمبلی ٹی سوغند ہرفیکہ۔ داخیال آتا درشانی ءِ او بنجائی وزیر داخلہ چوہدری نثارعلی خان نا کنڈآن روات اٹی دود آن تران آ ردعمل نا درشانی ءِ کرسا کرے۔ اوپارے کہ چوہدری نثار گچین کاری تیٹی قومی خذمت نا جوزہ اٹ آخا بلکن جندی فائدہ و خودنمائی کن بشخ ہلیک۔اگہ اودے السی خذمت نا خیال مسکہ تو دا خذمت ءِ صوبائی اسمبلی نا فورم اٹ ہم کننگ مسکہ۔ بنجائی وزیر پٹرولیم پارے کہ چوہدری نثار تینا بیان اٹی تینٹ امنا کرینے کہ گچین کاری تیان مست اونا نہاد ءِ خلنگا، نہاد ءِ سودا مروک آ مال انا ہی خلنگک، او نا منت وار کہ او تینٹ امنا کرسا شاہدی تے الس نا مون آ پیش کرے۔ اوپارے کہ وزیراعظم عمران خان تینا سرکڑدہ ہی لائخی تا سوب آن پاکستان نا 22کروڑ الس نا پنی انگا راہشون مرسا مون آ بسنے ہنداخاطران اینو مچ آ ملک عمران خان نا سرکڑدہ ہی ٹی سیوت و یگانگت نا عملی درشانی ءِ کننگ ءُولے دا ہیت گڑاس مسترد مروک آسیاست دان تے ہچ ءُ وڑا سے ٹی کیدنگ مفننگ ءِ و دا عمران خان ءِ بے سوب تنقید نا نشانہ کرسا تینا قد ءِ بڑز کننگ نا چکر اٹی ءُ ولے شاید او داہیت ءِ گیرام کرینو کہ اوفتے پاکستان نا الس و ایوان ہڑتوم آک اِلانو۔ غلام سرور خان پارے کہ ملک ءِ مون تروک ساڑی مشکل حالیت آتے ٹی وزیراعظم عمران خان ہراوڑ قوم انا جوزہ غاتا ترجمانی ءِ کرے و بھارتی جارحیت نا پبی ورندی ءِ تس داڑان پاکستان نا الس و فوج انا حوصلہ بڑز مس و دا تاثر ءِ سوگوی ملا کہ پاکستان اسہ امن پسند ءُ ملک اسے ولے اگہ دشمن اس وطن عزیز نا کنڈا خراب انگا نظر اٹ ہرک تو اودے اونا کروک آنا کنوئی تمک۔ اوپارے کہ دا عمران خان نا شخصیت نا کرشمہ ءِ کہ اینو ملکی تاریخ اٹی اولیکو وار پاکستان نا غٹ ادارہ غاک اسہ ہی پنہ غاٹی ءُ ، داکان پد ہم اگہ سیاسی چوری اس عمران خان کون آ عظیم راہشون ءِ مشورہ تننگ ءِ تو الس بایدے داہیت ءِ پہہ مرے کہ گڑانہ گڑاس ضرور ارے ایہن تو اوفتے اوفتا ہی پارٹی و الس ہڑتوم آک مسترد کرینو ہنداخاطران داسہ اوفتے سلاہکار مننگ نا حسرت تنک کننگ ءِ ۔
