جہلم ۔ 10 مارچ (اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ پاکستان ءِ دراھیں راج مزن وزیر عمران خان ءُُ پاک فوج ءِ پدا اوشتاتگ انت ءُُ کسے ھم ردیں چماں چارت نہ کن ایت۔ پاکستان امنءِ واھگدارانت ءُُ ایمنی ءِ ھاترا اوشتاتگ انت۔امن، استحکام ءُُ دیمروئی ءِ ھاترا مہ وتی جزم ءِ سرا قائم انت۔مراچی امریکی روتاک گوشگ انت کہ پاکستان ءِ مزن وزیر ءَ امن ءِ نوبل داد دیگ ءِ حال ءَ شنگ کنگ انت۔ خورشید شاہ ءَ را نوازشریف ءِ نہ بلکہ وتی جیل روگ ءِ پکر انت۔ اپوزیشن ءِ یک ایجنڈا انت کہ آہاں چہ حساب گرگ مہ بیت۔ تحریک انصاف ءَ را دزانی ءُُ ڈنگاں چہ حساب گرگ ءِ ھاترا ووٹ دیگ بوتگ ات۔ھسابداد ءِ کار ابید پرک ءِ برجاہ بیت ءُُ اے کجام گلے ءِ ھلاپ ءَ نیست انت۔جان سلامتی ءِ سرا سیاست مہ کنگ بیت۔مزن وزیر ءِ راھشونی ءِ تہ معیشت ،سیاست،تعلیم ءُُ جان سلامتی ءِ دگہ تک انی جیڈھ حل کنگ بنت۔یک شمبے ءَ جہلم ءِ تہ اُلسی مچی ءَ گوں تران کنان ءَ بنجاہی وزیر ءَ گوشت کہ ضلع جہلم شہیدءُُ غازیانی سرڈگارانت۔ادا چہ سیادی داروکیں شہید ءُُ غازی ءَ ماتیں وتن ءِ رکھگ ءِ ھاترا پُرشانیں کرد اداکتگ ات مہ دراھ آہاں را سلام ءَ پیش کنگ اوں۔ھالرسانی ءِ وزیر ءَ گوشت کہ مزن وزیر عمران خان ءِ راھشونی ءَ پاکستان ءَ دیمروئی ءِ سفر بناکتگ۔ حکومت جیڈھانی ھل کنگ ءِ ھاترا دیما روگ انت۔مزن وزیر ءِ راھشونی ءَ بھارت ءَ را دیم پروشیں پسو داتگ انت اے وڈ ءَ معیشت، سیاست، تعلیم ، صحت ءُُ دگہ تک آنی جیڈھ حل کنگ بنت ءُُ ملک ءَ را گہتری ءِ نیمگا برگ بیت۔
