ملتان ۔10مارچ(اے پی پی)دری کارانی بنجاہی وزیر شاہ محمود قریشی ءَ گوشت کہ پاکستان ءِ چکاس نوں ھلاس نہ بوتگ ات ،ماربازیں گرانیں وھد ءَ حاکمی دیئگ بوتگ بلے مہ دراھیں جیڈھ ءُُ جنجال ءَ چہ شریں وڈ ءَ درآھگ اوں،نوں بدلی ءِ بنداتی بوتگ انت،جاور بدلی بوھگ انت ءُُ امیت ءِ کرن روژن بوتگ۔اے ھیالانی درشان آہاں یک شمبے ءَ ملتان ٹی ہاوس ءِ تہ روتاک خبریں ءِ نیمگا چہ وتی پاگ بندی ءِ مراگش ءَ گوں تران کنان ءَ کتگ انت۔دری کارانی وزیر شاہ محمود قریشی ءَ گوشت کہ من ءَ ہمہ روچ یاد انت کہ وھدیکہ دری کارانی کارگس ءَ چہ من ریمنڈ ڈیوس ءِ معاملہاءِ سرا حقی ءِ گپ جنان ءَ دزکشی داتگ ات۔ہمہ وھد ءَ یک سینیٹر ءَ یک محفل ءِ تہ گوشت ات کہ شاہ محمود قریشی ءَ امریکہ ءَ گوں وتی سیادی رد کتگ ات ایشی ءِ سیاسی باندات سیاھ بوتگ نوں اے راجدپتر ءِ بھر جوڈ بوتگ۔آہاں گوشت کہ شش ماہ پیسر ءَ وھدیکہ مزن وزیر عمران خان ءَ منی سرا اعتما د کنان ءَ دری کارانی کارگس ءِ وزارت منءَ داتگ ات تو یک نیمگا مئے مگربی ھمساھگ اوگانستان دگنیا ءِ ہمک فورم ءِ سرا وتی دراھیں جنجالاں پاکستان ءِ کھاتہ مان کنگ ات ءُُ گوشگ ات کہ پاکستانِ تہ ناشرکارانی بنجل انت اودا چہ ناشرکار آھگ انت ءُُ ناشرکاری ءِ کارروائی کنگ انت۔تو دومی نیمگا چہ رودرتکی سیمسر ءِ سرا مئے دومی ہمساھگ بھارت ھم ہمک فورم ءِ سرا مئے مخالفت کنگ انت۔نوں نریندر مودی گوشگ انت کہ پاکستان ءَ را سفارتی وڈ ءَ ایوک کنگ مئے پالیسی ءِ بھر انت۔مئے یک دومی ہمساھگ ایران ءِ دری کارانی وزیر جواد ظریف وھدیکہ پاکستان ءَ اتکگ ات تو آہاں گوشت کہ جنداللہ ءِ مردم ادا چہ ایران ءَ روگ ناشرکاری ءَ کنگ انت۔چین ءِ نیمگا چہ گوشگ بوھگ ات کہ درتکی ترکستان ءِ بیم کارءِ گل ای ٹی آئی ایم ءِ نیمگا چہ اودا کارروائی کنگ بوھگ ات اے وڈ ءَ مشرق وسطیٰ ءِ تہ ھم جی سی سی ءِ باسک بھر ات ۔ سعودی عرب ،متحدہ عرب امارات ءُُ قطرءِ مئے ءَ گوں شریں سیادی انت بلے اے دراھیں ملک تحفظات ءِ شکار ات ،سارک گلءَ را بھارت ءَ یرگمال جوڈ کتگ ات ءُُ ایشی ءِ دیوان ءِ تہ بھارتی دری کارانی وزیر سشما سوراج گشتانک ءِ پدا پاکستانی دری کارانی وزیر ءِ گپ گوشدارگ ءَ ابید شتگ ات۔ اگست 2017ءِ تہ امریکہ ءَ جنوبی ایشیاءِ ءِ باروا وتی پالیسی ءِ جار جتگ ایشی ءِ تہ گوشگ بوتگ کہ آں بھارت ءَ را اوگانستان ءِ تہ گیش رول دیگ لوٹگ انت۔دری کارانی وزیر ءَ گیش گوشت کہ او آئی سی ءِ دیوان ءِ تہ بھارت ءَ را ھاسیں مہمان جوڈ کنگ بوتگ ہمہ کہ اسلامی کانفرنس ءِ نہ باسک انتءُُ نہ مبصر انت۔مہ اے جاور ءِ تہ پاکستان ءِ دیمپانی کنگی انت۔امریکہ ءُُ طالبان دوحہ ءِ تہ دیم پہ دیم نشت گپ ءُُ تران کنگ انت،آہاں پاکستان اوگانستان ءِ تہ ایمنی ءُُ گہبودی ءَ لوٹگ انت ءُُ ایشی ءِ سبب ایش انت کہ ایشی ءِ پائدگ پاکستان ءَ را سر بیت
