لاہور۔9 مارچ(اے پی پی ) بنجاہی وزیر ھالرسانی چوہدری فواد حسین ءَ گوشت کہ بھارتی مزن وزیر نریندر مودی ءَ کلچر،فلم ،لیئب ءِ ھوار چاگرد ءِ ہمک تبک ءَ را جنگ ءِ تہ مان کتگ‘ دسمبرچہ دگنیا ءَ سرپد کنگ اتنت کہ بھارت گچینکاری ءَ چہ پیسر ءَ مزنیں گام ءِ چست کن ایت ہمہ گچینکاری ءِ تہ کارمرز بیت‘ پلوامہءِ پدا یک دروگیں ویڈیو ءَ را بنیات جوڈ کنان ءَ پاکستان ءِ سرا بہتام جتگ بلے آں دراھیں بہتام ءُُ کارروائی ایشی ءِ دیما ماتگ انت‘ پاکستان ءِ امن ءِ بیانیہ ءَ را مگربی ملکانی ھوار مسلمان ملکاں ءُُ دگراں ساڑاتگ۔حکومت‘ سیاسی گلاں، پارلیمان ءُُ راج ءِ باج انت۔نوں پاکستانی سفیر نئی دہلی ءَ سر بوتگ ات وھدیکہ بھارت ءِ سفیر پاکستان ءَ اتکگ انت،اےئرپورٹس پچ بوتگ ات ءُُ معاملہءِ شدت ءِ تہ کمی اتکگ انت۔بھارتی کرکٹ ٹیمب ءِ آرمی کیپ سر ءَ ایر کنگ ءِ معاملہا ھم آئی سی سی ءِ تہ چست کنگ ءِ پیسلہ کتگ انت پرچا کہ اگہ بھارتی ٹیمب اے رنگءَ کت کن ایت تو پاکستانی ٹیمب ھم کشمیرءِ تہ بیوکیں زلم ءُُ زوروکی ءَ را دیما کارایت‘آں ھپتگ ءَ سوشل ویلفیئر کمپلیکس ءِ تروتاب ءِ سرا میڈیا ءَ گوں گپ ءُُ تران کنگ ات،اے موہ ءِ سرا صوبائی وزیر سوشل ویلفیئر اجمل چیمہ،سر وزیر ءِ صلہ کارمحمد اکرم چوہدری ھم ساڑی اتنت‘بنجاہی وزیر ءَ اھوالکارانی جستانی پسو ءِ تہ گوشت کہ مزن وزیر عمران خان ءِ نیمگا چہ پدریں کڈنی انت کہ پیسرگیں مزن وزیر نواز شریف ءَ را دارودرمان ءِ گہتریں آسراتی دیگ بیت ایشی ءِ روژنی ءَ پنجاب حکومت ءَ آہاں را ہرممکن آسراتی ءِ پیشکش کتگ۔ایشی ءَ چہ پیسر ءَ بنجاہی وزیر ءَ سوشل ویلفیئر کمپلیکس ءِ تہ ہڈ عافیت اولڈ ہوم ءِ تروتاب کتگ ءُُ اودا ڈی جی سوشل ویلفیئر افشاں کرن ءَ بنجاہی وزیر ءَ را اولڈ ایج ہوم ءِ تہ ساڑی آسراتی ءِ ھوالہ چہ بنجاہی وزیرءَ را سرپدی داتگ۔
