اسلام آباد ۔ 09 مارچ (اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ مزن وزیر عمران خان ءَ امن ءُُ ایمنی ءِ برجاہ دارگ ءِ ھاترا بھارت ءَ را گوشتگ ات کہ اگہ بھارت یک گامے دراج کن ایت تو مہ دو گام دیما رویں، پاکستان ءَ خطہ ءِ تہ امن ءُُ ایمنی ءِ ھاترا گامگیج کتگ ات۔مودی گچینکاری ءِ تہ باج برگ ءِ ھاتر اجنگ ءِ ماحول ءَ ودی کنگ لوٹگ انت۔روسی میڈیا ءَ را وتی گلگدار ءِ تہ وتی یک انٹرویو ءِ تہ آہاں گوشت کہ پاکستان جنگ ءَ مہ لوٹگ انت مہ سرا اگہ جنگ مسلط کنگ بوتگ تو مہ سرپدوں کہ جنگ چنچو مڑگ بہ بیت، پلوامہ واقعہ ءِ ھوالہ چہ مارءَ بھارت ءِ نیمگا چہ ہچ شاھدی نہ رستگ ات۔پاکستان ءَ اے درگت ءَ ٹھوس شاھدی ءِ بنیاتاں بھارت ءَ را پٹ ءُُ پول ءِ پیش کش کتگ ات بلے ایشی ءِ سرا ھم ہچ پسو نہ رستگ۔ھالرسانی ءِ بنجاہی وزیر ءَ گوشت کہ اے جاورھال ءِ تہ مئے کِر ءَ سئے آپشن اتنت پیسری اے کہ مہ ہمساھگیں ملک اوں ءُُ 70سال ءِ تہ سئے جنگ مڑتگ ات یک دومی جنگے ھم مڑوں۔دومی آپشن ایش انت کہ مہ یک دومیگ ءَ را نزور کنگءَ پہ کار ءَ کنوں سیمی آپشن ایش ات کہ دوئیں ملک گپ ءُُ تران ءَ کن انت ءُُ ناشرکاری ءِ ھلاپ ءَ پارٹنر جوڈ بہ بنت۔آہاں گوشت کہ مہ بھارت ءَ را سیمی آپشن ءِ پیشکش کنگ اوں،ایشی ءِ ابید چئے ءَ کت کنگ اوں؟پرچا کہ جیڈھانی ایوکا حل گپ ءُُ تران انت ۔بنجاہی وزیر ءَ گوشت کہ کشمیر ءِ جیڈھ پاکستان ءُُ بھارت ءِ میان ءَ راستیں جیڈھ انت ایشی ءِ سرا گپ ءُُ تران الم انت۔ آہاں گوشت کہ بھارت بلوچستان ءِ تہ ناشرکاری ءَ کنگ انت ءُُ مارءَ نزور کنگ ءِ کوشست کنگ انت۔
