اسلام آباد ۔ 09 مارچ (اے پی پی)زرکاری بورڈ ءِ چیئرمین/وزیر مملکت ہارون شریف ءِ گوما پاکستان ءِ تہ مصرءِ سفیراحمد فہد الیعقوب ءَ گند ءُُ نند کتگ انت۔اے موہ ءِ سرا چیئرمین زرکاری بورڈ ءَ ملک ءِ دیمروئی ،برآمداتءِ پراھی،صنعتی شرح نموءِ بڑھوتری ءُُ ریئل سٹیٹ ءِ تکءِ تہ ھندی ءُُ سرملکی زر کاری ءِ تہ گیشی ءِ ھوالہ ءَ کتگیں گام گیج ءَ چہ سرپد کتگ۔آہاں گوشت کہ سیاحت ءُُ ہوٹلنگ ءِ صنعت ءِ پراھی ءِ ھاترا مزن وزیر عمران خان ءِ دلگوشی چہ ھم سرپد کتگ۔آہاں گوشت کہ پاکستان ءِ سیاحت ءُُ ہوٹلنگ ءِ تک ءِ تہ مصر ءِ تجربگاں چہ پائدگ چست کنگ لوٹگ انت۔آہاں گوشت کہ حکومت ھندی ءُُ درملکی زرکاراں را یک وڈیں موہ پھجارگ انت۔دوئیں فریقاں پاک مصر وت مہ وتی سیادی ءِ ودکی ءِ سرا تپاکی کتگ۔آہاں دوئیں ملکانی بیئپاری براتری ءِ رھوت ءِ تہ گیشی ءِ سرا تپاک کتگ۔ مصرءِ سفیر ءَ چیئرمین زرکاری بورڈ ءَ را سرپد کتگ کہ مصر ءِ ارب پتی زرکار پاکستان ءِ تہ ارزاں نھادیں گس آنی جوڈ ءِ منصوبگ ءِ تہ زرکاری ءِ واھگدارانت ءُُ اے ھوالہ چہ آں زوت پاکستان ءِ تروتاب کنگ انت۔ چیئرمین سرمایہ کاری بورڈ ءَ سدکی دات کہ مصر ءِ زرکاراں را ہروڈیں آسراتی پھجارگ بنت تنکہ آں پاکستان ءِ تہ زرکاری ءِ موہ ءَ چہ نپ ءُُ پائدگ ءَ زورانت۔
