اسلام آباد۔ 08 مارچ (اے پی پی) بنجاھی وزیر اھوالکاری ءُُ شنگ کاری چوہدری فواد حسین ءَ کزبی کار آنی سرجم کنگ ءِ ساھت ءَ شہید بوھوکیں اھوالکار آناں ستا ءُُ توسیپ پیش کنان ءَ گوشت کہ ضلع خیبر ءِ اھوالکاراناں ناشرکاری ءِ ھلاپ ءَ جنگ ءَ قلمی جہاد کتگ۔ آ آدینگ ءِ روچ ءَ ضلع خیبر (باڑہ) پریس کلب ءِ ڈل ءَ گوں تران کنان اَت۔ ڈل ءَ وزیر ءِ اھوالکاری ءَ را باڑہ ءِ اھوالکار آنی جیڈھ آناں سرپد کت۔ بنجاھی وزیر ءِ اھوالکاری ءُُ شنگ کاری چوہدری فواد حسین ءَ گوشت کہ تحریک ءِ انصاف آزاتیں درشان ءِ بنیاتی ھک ءِ سر ءَ دل یکیم اِنت۔ آئی ءَ گوشت کہ دور ءُُ گستائیں دمگ آنی اھوالکار آنی جیڈھ آنی گیواری ءِ ھاترا آسراتی پجارینگ بہ بیت۔ آئی ءَ گوشت کہ شہید یں اھوالکار آناں توسیپ ءُُ ساڑا پیش کنگ ءِ ھاترا مراگش برجم دار آں۔ آئی ءَ گوشت کہ ضلع خیبر ءِ سئے تحصیل باڑہ، جمرود ءُُ لنڈی کوتل ءَ پریس کلب آناں گہتر کنگ ءِ واستہ گامگیج کناں۔ بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ خیبر پختونخوا ءِ وزیر ءِ اھوالکار شوکت یوسفزئی، صوبائی سیکرٹری ا ھوالکاری ءُُ شنگ کاری، بنجاھی وزیر نیک راھی کار پیر نورالحق قادری ءُُ ایم این اے اقبال آفریدی ءِ شور ءُُ سلاھ ءِ گوما آیوکیں کار رپک جوڑ کناں۔ آئی ءَ گوشت کہ الس ءَ را سر پد کنگ ءِ ھاترا اے ضلع آنی تہءَ ریڈیو شنگ ءُُ تالان ءُُ اھوال آنی پجاری ءِ شوبگ ءَ را گیش گہتر جوڑ کناں۔
