اسلام آباد۔ 08مارچ (اے پی پی) چیئرمین سینیٹ صادق سنجرانی جی فورٹین ون اٹی ڈغار نا دوئی کننگ و شونداری کاریم تا بابت سوج آتے وزارت داخلہ ءِ گدریفنگ نا پارت کرینے وخت اس کہ وزیر مملکت ہاؤسنگ شبیر علی پارے کہ جی فورٹین ون انا الاٹی تیا ہچ ءُ شونداری خڑچ اس بٹنگتنے، ڈغار تا دوئی کننگ اٹ چک و تاڑ نا مون تروک ءِ۔ جمعہ نادے آ ایوان بالا ٹی وقفہ سوج آتے ٹی سینیٹر بہرہ مند تنگی نا سوج انا ورندی ٹی وزیر مملکت ہاؤسنگ شبیر علی پارے کہ فیڈرل گورنمنٹ ہاؤسنگ فاؤنڈیشن G-14/1 نا الاٹی تیا ہچ ءُ شونداری خڑچ عائد کننگتنے انتئے کہ ہندا سیکٹر اٹی ہچ ءُ شونداری کاریم اس مفننگ ءِ ، زہمی تے بلٹ اپ پراپرٹی نا رداٹ ہچ ءُ ادائیگی اس کننگتنے، دا علاقہ غاتے ٹی ناروا تعمیرات کننگانے، ہندی بندغ آتا کنڈآن چک وتاڑ نا مون تروک ءِ، ہندی انتظامیہ ہند ن کہ لیڈ ایکوائر کرسا ایتک، نن تینا کاریم نا بناءِ کینہ۔ چیئرمین دا سوج ءِ وزارت داخلہ غا گدریفنگ نا پارت کرے۔ سینیٹر بہرہ مند تنگی نا سوج انا ورندی ٹی اوپارے کہ سیکٹر F-14/1 اٹی بی یو پیز نا سروے برجاءِ، ہندی ہنکینی تا کنڈآن G-14/1 نا گڑاس علاقہ غاتسکان سروے ٹیم تے رسینگ انگ کن ہلنگ پننگ انگ ءِ۔ آئی سی ٹی انتظامیہ نا زمواری ءِ کہ دا چرجوئی ٹی پیش رفت کے۔ چیئرمین پارے کہ نی وزارت داخلہ تون دا معاملہ ءِ ہرف۔ اعظم سواتی پارے کہ پی اے سی نا رپورٹ آک دابابت آن ساڑی ءُ۔ قائد ایوان سینیٹر شبلی فراز پارے کہ وزارت ہاؤسنگ آئی سی ٹی نا رحم و کرم و اونا کنڈآن ویل انا ایسری نا انتظار ءِ کپ تینٹ گام گیج کے۔
