گورنر بلوچستان امان اللہ یاسین زئی جہانی زالبول دے انا بابت اسہ کلہو اس

کوئٹہ۔ 07مارچ (اے پی پی) گورنر بلوچستان امان اللہ یاسین زئی جہانی زالبول دے انا بابت تینا اسہ کلہو اسے ٹی پارینے کہ پوسکن آ عہد نا شعور نا رداٹ نیاڑی و نرینہ راجی، سیاسی و اقتصادی شونداری ٹی بریبری بشخ اس تخرہ۔ اوپارے کہ زالبول نا معاشی شرکت و سیاسی اوار مننگ آن بیدس پائیدار شونداری و شونہالی نا دوئی کننگ مننگ ہی کپک۔ گورنر بلوچستان پارے کہ پشتون و بلوچ اٹی زالبول ءِ بے کچ عزت و شرف اٹ ہُننگک و زالبول آ دُو ہرفنگ ننا قومی روایت و اسلامی قدر انا منافی ءِ ، بلوچستان اٹی زالبول آتا بابت اوپارے کہ داجاگہ نا نیاڑی تیٹی لائخی تا ہچ ءُ کمتی اس اف ولے کچ اٹنگا وسیلہ و وارخواہی تا کمتی اوفتا کسر اٹی اڑاند جوڑ ءُ۔ اوداہیت آ است جمی نا درشانی ءِ کرے کہ کرا ر کرار آ داڑے ہم زالبول تعلیم، جان جوڑی و گوازی تتون اوار چندی بشخ آتے ٹی تینا لائخی تے مون آ اتنگ ءُ ہرا اسہ ستاکڑزوک ءُ عمل اسے۔ اواومیت ظاہر کرے کہ ننا زالبول آک راجی و قومی قدر انا تہہ ٹی سلسا ملک و قوم نا شونداری کن کڑد ادا کرسا کیرہ۔