سعودی عرب اٹی پاکستانی زائر و پاکستانی ورکرآتا آسراتی کن کروک آ گام گیج آتیا حوال تس
اسلام آباد۔ 07 مارچ (اے پی پی) سعودی عرب نا سفیر نواف بن سعید المالکی پنچ شنبے نادے آ داڑے وزارت داخلہ ٹی وزیر داخلہ شہریار خان آفریدی تون اوڑدہی کرے۔ سعودی سفیر وزیر داخلہ ءِ سعودی حکومت نا کنڈآن سعودی عرب اٹی پاکستانی زائر و پاکستانی ورکرآتا آسراتی کن کروک آ گام گیج آتیا حوال تس۔ وزیر داخلہ پارے کہ سعودی ولی عہد محمد بن سلمان نا پاکستان آ بننگ پاک۔ سعودی عرب تعلقداری تا تاریخ اٹی اسہ پوسکن ءُ بشخ اسے نا ودکی ءِ۔ اوپارے کہ پرنس محمد بن سلمان نا کنڈآن پاکستان اٹی 20 ارب ڈالر نا زرکاری نا پڑو سعودی عرب وپاکستان نا تعلقداری تا سوگوی ٹی اسہ مزل نا نشان اس مریک۔ شہریار خان آفریدی پارے کہ خوشی ءِ کہ پرنس محمد بن سلمان و وزیراعظم عمران خان نا مسلم امہ کن وژن اسٹ ءُ۔ اوپارے کہ سعودی حکومت نا پاک، بھارت بے چیٹی تے چٹفنگ اٹ نمان کڑد اسے۔ سعودی وزیر خارجہ عادل الجبیر نا دورہ پاکستان ستاکڑزک۔ اوپارے کہ پرنس محمد بن سلمان نا حرم شریف اٹی ودکی نا پروجیکٹ زائر و حاجی تے کن عبادت آتے ٹی آسراتی و آسانی ودی کننگ نا سوب مریک۔ اوپارے کہ پرنس محمد بن سلمان دورہ بھارت و ایشیا ٹی پاکستان نا مقدمہ ءِ کرے۔ پاکستانی قوم ولی عہد نا منت وار ءِ۔ سعودی سفیر پارے کہ پاکستان تون است انا حب اٹ مہر و مابت کیوہ، پاکستان اٹی ہرا شرف و مابت ملا اوفتے بیان کننگ کپرہ۔
