اسلام آباد۔07مارچ(اے پی پی ) ملک ءِ صدر ڈاکٹر عار ف علوی ءَ طبءِ پڑءَ پٹءُ پول، جانءُ سلامتی، پرہیز ءُ اشتاپی جاورھالاں ہاسیں ازمت سرکنگءِ ضلورتءِ سرءَ زور پِرداتگ۔ آئی ءَ اے گپ کالج آف فزیشنز اینڈ سرجنز ءِ ڈلءَ گوں گپءُ تران کنانءَ کتگ کہ آہاں پروفیسر خالد مسعود ءِ سروکی ءَ پنچ شمبے ءِ روچءَ ایوان صدرءَ گندءُ نندکتگ۔ صدرءَ جانءُ سلامتی ءِ پڑءَ پٹءُ پول ءِ ارزشتءَ پدر کتءُ ایشیءَ را گیش کنگءِ سرءَ زورپِرداتگ۔ آئیءَ گشتگ کہ اے ہوالگءَ ہاس، صفائی، جانءُ سلامتی ءُ پرہیز ءِ سرءَ دلگوشی کنگ لوٹ ایت ءُ اے ہوالگءَ اُلسءَ را زانتءُ سرپدی دیئگ لوٹیت۔ اے ہوالگءَ آئیءَ کالج آف فزیشنز اینڈ سرجنز ءَ را وتی کمک ءِ اوست داتگ۔ یاد کنگ بہ بیت کہ کالج آف فزیشنز اینڈ سرجنز پاکستان ءِ اولی پوسٹ گریجویٹ میڈیکل ادارگ اِنت۔
