اسلام آباد۔07مارچ(اے پی پی) بنجاہی کابینہ ءَ ملک ءَ انوگیں جاورحال ءَ تپاکی ءَ را جاڑی دارگءِ جزم کتگ وہد ے کہ مزن وزیر عمران خان ءَ گشتگ کہ حکومت راجی سلامتی ءِ جیڑہ آنی گیشءُ گیوار کنگءَ درائیں ادارگاں گوں شور ءُ تران کنگ بوہگءَ اِنت ہمے وڑءَ اپوزیشن ءَ را گوں وت ہم گام کناں۔ آئی ءَ پنجاپ حکومت ءَ ر پنتءُ شون کتگ کہ نواز شریف ءَ را علاج ءِ جوانیں آسراتی دیئگ بہ بیت، آ ہما نادراہ جاہءَ علاج لوٹ ایت سرکنگ بہ بیت ءُ میڈیکل بورڈ ءِ سفارشات منّگ بہ بنت، اہچ شک کنگ مہ بیت کہ حکومت بیر گرگءَ اِنت۔ بنجاہی کابینہ ءَ عاصم سعید ءَ را پاکستان سافٹ ویئر بورڈ ءُ سید جاوید ءَ را پاکستان ریونیو آٹو میشن لمیٹڈ ( پرال ) ءَ تعیناتی ءِ منظوری داتگ۔ پنچ شمبے ءِ روچءَ مزن وزیر ءِ سروکی ءَ بنجاہی کابینہ ءِ دیوانءَ پد مزن گس ءِ ڈنءَ میڈیا شونشت ءَ بنجاہی وزیر فواد حسین چوہدری ءَ گشتگ کہ حکومتءِ جنگ گوں نواز شریفءُ آصف دزداری ءَ نہ اِنت، آہانی سرءَ کہ کرپشنءِ کیس جوڑ کنگ بوتگ اَنت مے دورءِ نہ اَنت ءُ نیب ءِ ادارگ مے حکومت ءَ جوڑ کنگ نہ بوتگ، مسلم لیگ ن ءُ پاکستان پیپلز پارٹی ءَ جتاہ جتاہ یک یکجاہ نیب ءِ حکام جوڑ کتگ۔ مزن وزیر عمران خانءَ پنجاپ حکومتءَ را منتءُ شون کتگ کہ نواز شریف ءَ را جوانیں علاج ءِ آسراتی دیئگ بہ بیت ، مارا گوں نواز شریفءَ ذاتی دژمنی نیست۔
