اسلام آباد ۔ 6 مارچ (اے پی پی) صدر مملکت ڈاکٹر عارف علویءَ گوشت کہ حکومت ملک ءِ تہ بیئپارءُُ صنعت ءَ را دیم جیڈھاں چہ سرپد انت، بیئپاری برادری ءَ را شریں چاگرد ءِ پھجارگ ءِ ھاترا دراھیں گامگیج کنگ بوھگ انت۔ ملک ءِ دیمروئی ءُُ وشھالی ءِ ھاترا سرکاری ءُُ جندی تک ءَ را نزیکی کمک ءِ وسیلگ ءَ ھواری ءَ کار کنگ بیت۔ آں چار شمبے ءَ آل پاکستان ٹیکسٹائل ملز ایسوسی ایشن (اپٹما) ءِ ڈلے گوما گپ ءُُ تران کنگ ات۔ صدر مملکت ءَ ملک ءِ اقتصادی دیمروئی ءِ تہ جندی تک ھاسکر آل پاکستان ٹیکسٹائل ملز ایسوسی ایشنءِ کرد ءَ را ساڑاتگ۔آہاں گوشت کہ دراھیں تک ءُُ ٹیکسٹائل ءِ تک ءِ تہ ھاسیں وڈ ءَ ویلیو ایڈیشن میاں اوستمانی مارکیٹ ءِ تہ وتی جاھ جوڈ کنگ ءِ ھاترا باز ھاس انت۔اے موہ ءَ اپٹما ءِ ڈل ءَ صدر مملکت ءَ را سرپد کتگ کہ آوکیں پنچ سالانی تہ ٹیکسٹائل ءِ برآمدات ءَ را دوبر کنگ ءِ ٹارگٹ ایر کتگ انت۔ صدر مملکت ءَ اے گپے سرا زور مان کتگ کہ برآمدات ءِ تہ گیشی ءُُ بیئپاری ھسارہ ءِ تہ کمی استیں حکومت ءِ حکمت عملی ءِ ھاسیں جز انت۔آہاں گوشت کہ حکومت ملک ءِ اکنامک سٹرکچر ءَ را گہتر کنگ ءُُ بیئپار ءِ ھرچ ءِ تہ کمی ءِ ھوالہ چہ جزم دار انت۔ حکومت ءَ زیرو ریٹڈ برآمدی تکاں ٹیکسٹائل، لیدر، کارپٹس، آلات جراحی ءُُ لیبانی چیزانی تیاری ءِ وڈیں تک ءِ ھاترا گیس ،آرایل این جی ءُُ توان ءِ نھاداں کمی ءَ را بروبر کتگ وھدیکہ ایشانی ھاترا سیلز ٹیکس ءِ ھوالہ چہ زیرو ریٹنگ ءِ نظام دیما آرتگ۔ صدر مملکت ءَ گوشت کہ حکومت آوکیں پنچ سال ءِ ھاترا سٹرٹیجک ٹریڈ پالیسی فریم ورک جوڈ دیگ انت ایشی ءِ پیداواری ھرچ ءِ تہ کمی آرگ ءُُ برآمدی تکانی تہ سرمایہ کاری ءِ دلبڈی ءِ سرا دلگوشی ایر کنگ بوھگ انت۔آہاں گیش گوشت کہ حکومت 2019ء تا 2024ءِ وھد ءِ ھاترا سیمی ٹیکسٹائل پالیسی ءِ سرا ھم کار کنگ انت ءُُ شریں معیار ءِ کاٹن ءِ بیجانی پھجارگ ءَ را سدکی جوڈ کنگ ءِ ھاترا گامگیج زورگ بوھگ انت۔ صدر مملکت ءَ بیئپاری براھدندگی سرا زور مان کتگ کہ آں بیئپارانی نیمگا چہ دراھیں ٹیکسز ادا کنگ ءِ دلبڈی ءِ ھاترا وتی کرد ءَ ادا کن انت تنکہ بجٹ تاوان ءِ تہ کمی آرگ بیت ءُُ دیمروئی کارانی ھاترا گیشاں چہ گیش فنڈز ایر کنگ بنت۔آہاں گوشت کہ ملک ءِ وشھالی ءُُ دیمروئی ءِ ھاترا سرکاری ءُُ جندی تک ءَ را نزیکی کمکءِ وسیلگ ءَ کار کنگی بیت۔
