اسلام آباد ۔ 6 مارچ (اے پی پی) بنجاہی وزیر ھالرسانی ءُُ شنگکاری چوہدری فواد حسین ءَ گوشت کہ پاکستان امن پسند ملک انت ءُُ ھمساھگاں گوں وشیں سیادی ءِ واھگدار انت۔پاکستان ءَ ہمک مرحلہ ءِ سرا یک زمہ وار ءُُ سنجیدگ ءِ ملک ءِ کردادا کتگ۔پاکستان ءِ حکومت ءُُ سلاھ بندیں اردو ءَ بھارتی جارحیت ءِ پسو ءَ وتی وت واکی ءُُ دفاع ءِ فرض پیلو کتگ۔آں چار شمبے ءَ درملکی سفیرانی شرپ ءَ داتگیں وش اتکی مراگش ءَ گوں تران کنگ ات۔وش اتکی مراگش ءِ تہ یورپی یونین ءُُ دگہ ملکانی سفیراں ءُُ گورنر سندھ عمران اسماعیل ءَ بھرزوری کتگ۔بنجاہی وزیر ھالرسانی ءُُ شنگکاری چوہدری فواد حسین ءَ سفیران جنوبی ایشیاء ءِ تہ بھارتی جارحیت ءَ چہ ودی بیوکیں کشیدگی ءَ چہ سرپد کتگ۔بنجاہی وزیر ءَ گوشت کہ ناشرکاری ءِ ھلاپ ءَ جنگ ءِ تہ پاکستان ءِ سلاھ بندیں اُردو ،پولیس ءُُ کانود برجاہ داروکیں ادارگہاں باز قربانی داتگ ات۔آہاں گوشت کہ مہ ناشرکاری ءِ ھلاپ ءَ میاں اوستمانی کوشستانی پلہ مرزی ءُُ راجی مفاد ءِ تہ مثالی پیشرفت کتگ انت۔آہاں گوشت کہ دگنیا سرپد بوتگ کہ جنوبی ایشیا ء ءِ تہ ایمنی دوست کئے انت۔آہاں گوشت کہ امن ءِ پراھی ءِ سہرا مزن وزیر عمران خان ءُُ عسکری راھشونانی سرا انت۔آہاں گوشت کہ پاکستان یک مزنیں ربیدگی مڈی ءِ امین انت ،یک وش صورتیں ملک ءُُ سرجمیں دگنیا ءَ چہ اتکگیں جہاں گول آنی ھاترا پُر کشش ءِ ملک انت۔آہاں گوشت کہ معدوم بیوکیں ساز ءِ انسٹریومینٹ ءَ را رکھگ ءِ ھاتیرا گامگیج زورگ بوھگ انت۔آہاں ملکی ربیدگی ءِ پراھی ءُُ راجی راجدپتر ی مڈی ءَ را رکھگ ءِ ھوالہ چہ حکومتی گامگیج ءِ سرا روژنی مان کتگ۔اے موہ ءِ سرا پاکستان ءِ مزنیں راجی مڈی ءُُ ربیدگی ءِ درشانی ھم کنگ بوتگ۔
